Romabi 14:4 - BAIBLO ALOO NGMAMI KLƆUKLƆU Ɔ

⁴ Mɛnɔ ji mo nɛ o kojoɔ nɔ kpa tsɔlɔ? Ke tsɔlɔ nɛ ɔ maa ya nɔ, loo e maa gbee si ɔ, lɛ nitsɛ e nyɔmtsɛ ɔ lɛ maa na. Ee, Nyɔmtsɛ ɔ ma ha nɛ e ya nɔ, ejakaa Nyɔmtsɛ ɔ ngɛ he wami nɛ haa nɔ yaa nɔ saminya.

Somi He Ɔ

⁴ Moo lɛɛ mɛnɔ ji mo nɛ o kojoɔ nɔ kpa sɔmɔlɔ? Lɛ nitsɛ e nyɔmtsɛ ɔ e daa si aloo e nɔɔ si haa; se a ma ha e maa da si, ejakaa Mawu ngɛ he wami nɛ e ma ha e da si.

Romabi 14:4 ပူးပေါင်းရင်းမြစ်များ

La 17:5

O blɔ ɔ nɔ lɛ i nyɛɛɔ daa; i sane we kɛ ji nɔ hyɛ gblegbleegble.

La 37:17

Ejakaa Yawɛ ma ha nɛ yayami peeli a he wami maa ta. Se ni nɛmɛ nɛ peeɔ kpakpa lɛɛ e maa bu a he.

La 37:24

Ke o nɔ si tete po, o be zugba tlɔe; ejakaa Yawɛ ma wo o nɔ ekohu.

La 37:28

ejakaa Yawɛ suɔ nɔ́ nɛ da; nihi nɛ yeɔ lɛ anɔkuale ɔ, e kua we mɛ. Yawɛ maa bu dali a he daa; se yayami peeli a nina lɛɛ a hɛ mi ma kpata.

Yesaya 40:29

Ni nɛmɛ nɛ gbɔjɔ, nɛ pɔ tɔ mɛ ɔ, e haa mɛ he wami.

Ni Tsumi 11:17

E fɔɔ si paa kaa nike ní ɔ nɛ wa ná benɛ wa he Nyɔmtsɛ Yesu Kristo ye ɔ, lɔ ɔ nɔuu nɛ Mawu ha jamɛ a ma je li ɔmɛ ɔ nɛ. Mɛnɔ ji mi mɔ nɛ ma de ke i ngɛ Mawu nya tsie!”

Romabi 11:23

Yuda bi ɔmɛ hu, ke a tsake nɛ a ba he ye jehanɛ ɔ, a maa kpale mɛ kɛ ta tso ɔ he ekohu, ejakaa Mawu ma nyɛ pee enɛ ɔ hluu tsɔ.

Romabi 14:3

Nɔ nɛ yeɔ nɔ́ tsuaa nɔ́ ɔ, e ko gbe nɔ nɛ yi ɔ he guɛ; nɛ nɔ nɛ yeɔ pui pɛ ɔ, e ko kojo nɔ nɛ yeɔ nɔ́ tsuaa nɔ́ ɔ, ejakaa Mawu he lɛ momo.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,