Romabi 14:23 - BAIBLO ALOO NGMAMI KLƆUKLƆU Ɔ

²³ Se ke e yi mi peeɔ lɛ enyɔɔnyɔ ngɛ niye ní ko he nɛ e ye ɔ, Mawu maa bu lɛ fɔ, ejakaa e be hemi kɛ yemi; nɛ nɔ́ ko nɛ o peeɔ nɛ hemi kɛ yemi be mi ɔ, e ji yayami.

Somi He Ɔ

²³ Se nɔ nɛ yi mi tɛ̃ lɛ ɔ, ke e ye ɔ, e yeɔ fɔ, mɛni he je ɔ, e ji hemi kɛ yemi mi; nɛ nɔ́ tsuaa nɔ́ nɛ ji hemi kɛ yemi mi ɔ, yayami ʼi.

Romabi 14:23 ပူးပေါင်းရင်းမြစ်များ

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

1 Korintobi 8:7

Se pi nɔ tsuaa nɔ nɛ le anɔkuale nɛ ɔ. Kɛ ba si mwɔnɛ ɔ, ni komɛ susuɔ kaa amagahi ngɛ wami mi; a susuɔ kaa ke a ha amagahi ní ɔ, mawuhi nɛ a ha ní ɔ nɛ. Enɛ ɔ he je ɔ, ke a ye kikɛmɛ a ní ɔ, a he nile haoɔ mɛ, ejakaa a susuɔ kaa niye ní ɔ ma ble mɛ.

Romabi 14:5

E peeɔ ni komɛ kaa ligbi ɔmɛ ekomɛ a he hia pe ekomɛ, be mi nɛ ni komɛ susuɔ kaa ligbi ɔmɛ tsuo sɔ. Nɔ tsuaa nɔ nɛ pee e juɛmi ngɛ nɔ́ nɛ ɔ he.

Romabi 13:2

Lɔ ɔ he ɔ, nɔ tsuaa nɔ nɛ teɔ si kɛ siɔ blɔ nya nɛ ɔ, Mawu blɔ nya tomi ɔ e nɛ ngɛ si tee kɛ ngɛ woe ɔ nɛ; nɛ nɔ tsuaa nɔ nɛ peeɔ ja a, Mawu maa gbla e tue.