Romabi 14:22 - BAIBLO ALOO NGMAMI KLƆUKLƆU Ɔ

²² Bɔ nɛ o heɔ yeɔ ngɛ munyu nɛ ɔ he ɔ, e pee o kɛ Mawu nyɛ kpɛti sane. Ke nɔ ko pee nɔ́ ko nɛ lɛ nitsɛ e le kaa nɔ́ nɛ e pee ɔ da, nɛ e he nile hu bui lɛ fɔ ngɛ he ɔ, e naa bua jɔmi saminya.

Somi He Ɔ

²² Moo lɛɛ o ngɛ hemi kɛ yemi. Kɛ to ha mo nitsɛ o he ngɛ Mawu hɛ mi. A gbaa nɔ nɛ kojo we lɛ nitsɛ e he ngɛ nɔ́ nɛ e buu kaa e hi ɔ mi ɔ.

Romabi 14:22 ပူးပေါင်းရင်းမြစ်များ

1 Yohane 3:21

Ye nyɛmimɛ nɛ i suɔ! Lɔ ɔ he ɔ, ke wa he nile bui wɔ fɔ ɔ, wa yi gbeye kaa wa maa ya Mawu hɛ mi.

Romabi 14:5

E peeɔ ni komɛ kaa ligbi ɔmɛ ekomɛ a he hia pe ekomɛ, be mi nɛ ni komɛ susuɔ kaa ligbi ɔmɛ tsuo sɔ. Nɔ tsuaa nɔ nɛ pee e juɛmi ngɛ nɔ́ nɛ ɔ he.

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.

Galatabi 6:1

Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.

Romabi 14:23

Se ke e yi mi peeɔ lɛ enyɔɔnyɔ ngɛ niye ní ko he nɛ e ye ɔ, Mawu maa bu lɛ fɔ, ejakaa e be hemi kɛ yemi; nɛ nɔ́ ko nɛ o peeɔ nɛ hemi kɛ yemi be mi ɔ, e ji yayami.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Romabi 14:14

Nɛ i ngɛ Kristo mi ɔ, i kpá si, nɛ i le kaa niye ní ko niye ní ko be nɛ he tsɔ we. Se ke nɔ ko buu niye ní ko kaa e he tsɔ we ɔ, lɛ nɛ niye ní ɔ he tsɔ we ha.

Romabi 14:2

Nɔ nɛ heɔ yeɔ ɔ, e yeɔ nɔ́ tsuaa nɔ́; se nɔ nɛ hemi kɛ yemi mi wɛ ɔ, lɛɛ pui pɛ e yeɔ.

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

Romabi 7:24

Hyɛ kaa ye ní ngɛ mɔbɔ! Ye nɔmlɔ tso ɔ miɔ nɛ e ma kpata ye hɛ mi. Mɛnɔ ma he ye yi wami kɛ je nɔmlɔ tso nɛ kɛ nɔ yaa gbenɔ mi nɛ ɔ dɛ mi?

Romabi 7:15

Nɔ́ nɛ i tsuɔ ɔ, i li. Nɔ́ nɛ i suɔ kaa ma pee ɔ, i pee we lɔ ɔ; se nɔ́ nɛ i sume ɔ, lɔ ɔ mohu i peeɔ.

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

1 Korintobi 8:7

Se pi nɔ tsuaa nɔ nɛ le anɔkuale nɛ ɔ. Kɛ ba si mwɔnɛ ɔ, ni komɛ susuɔ kaa amagahi ngɛ wami mi; a susuɔ kaa ke a ha amagahi ní ɔ, mawuhi nɛ a ha ní ɔ nɛ. Enɛ ɔ he je ɔ, ke a ye kikɛmɛ a ní ɔ, a he nile haoɔ mɛ, ejakaa a susuɔ kaa niye ní ɔ ma ble mɛ.