Romabi 14:20 - BAIBLO ALOO NGMAMI KLƆUKLƆU Ɔ

²⁰ Ko ya di niye ní se, nɛ o kpata nɔ́ ko nɛ Mawu pee hɛ mi. Nɔ́ tsuaa nɔ́ nɛ a yeɔ ɔ, e he tsɔ. Se nɔ́ ko nɛ o maa ye, nɛ ma ha o nyɛmi maa pee yayami ɔ, e sɛ kaa o ye.

Somi He Ɔ

²⁰ Ko puɛ Mawu ni tsumi ɔ ngɛ niyeni ko he. Nihi tsuo he tsɔ lɛɛ, se kɛ ɔ, e ji yayami ha nɔ nɛ yeɔ kɛ toɔ kpangmi ɔ.

Romabi 14:20 ပူးပေါင်းရင်းမြစ်များ

Mateo 15:11

Pi nɔ́ nɛ yaa nɔ nya mi ɔ nɛ bleɔ nɔ; mohu ɔ, nɔ́ nɛ jee nɔ nya a lɛ bleɔ nɔ.”

Mateo 18:6

“Hemi kɛ yemi nɛ jokuɛ tsɔwi nɛ ɔmɛ ngɛ ngɛ ye mi ɔ, ke nɔ ko ha nɛ a ti nɔ kake hemi kɛ yemi ɔ ta a, afani nɛ a kɛ teji wɛ muɔ nɔ ɔ kuɛ, nɛ a sake lɛ kɛ fɔ wo mi he nɛ kuɔ.

Ni Tsumi 10:15

Gbi ɔ de lɛ ekohu ke, “Nɔ́ nɛ Mawu tsu he ɔ, koo bu lɛ kaa e sɛ nɛ a yeɔ!”

Romabi 14:2

Nɔ nɛ heɔ yeɔ ɔ, e yeɔ nɔ́ tsuaa nɔ́; se nɔ nɛ hemi kɛ yemi mi wɛ ɔ, lɛɛ pui pɛ e yeɔ.

Romabi 14:21

Lɔ ɔ he ɔ, e hi kaa o ko ye lo, nɛ o ko nu wai, nɛ jehanɛ hu, o ko pee nɔ́ ko nɛ ma ha o nyɛmi nane ma kpata.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Filipibi 1:6

I heɔ yeɔ kaa Mawu, nɔ nɛ kɛ nyɛ je ní tsumi kpakpa nɛ ɔ sisi ɔ maa piɛ nyɛ he kɛ yaa si nyɛ maa gbe nya ligbi ɔ nɛ Yesu Kristo maa ba a.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.