Romabi 14:2 - BAIBLO ALOO NGMAMI KLƆUKLƆU Ɔ

² Nɔ nɛ heɔ yeɔ ɔ, e yeɔ nɔ́ tsuaa nɔ́; se nɔ nɛ hemi kɛ yemi mi wɛ ɔ, lɛɛ pui pɛ e yeɔ.

Somi He Ɔ

² Nɔ ko ngɛ hemi kɛ yemi nɛ e kɛ yeɔ nɔ tsuaa nɔ; se nɔ nɛ gbɔjɔ ɔ, pui kɛkɛ e yeɔ.

Romabi 14:2 ပူးပေါင်းရင်းမြစ်များ

Mose I, 1:29

E ya nɔ nɛ e de ke, “I ngɔ tsohi kulaa nɛ woɔ ngma, loo wu, kɛ ní nɛmɛ nɛ woɔ yiblii ngɛ zugba a nɔ ngɔ ha nyɛ nɛ nyɛɛ ye.

Mose I, 9:3

I ngɔ mɛ tsuo ngɔ ha nyɛ nɛ nyɛɛ ye, kaa bɔ nɛ i ha nyɛ pui ba a.

Abɛ Womi 15:17

E hi mohu kaa o maa ye ba flɔɔ ngɛ he nɛ suɔmi ngɛ, pe nɛ o maa ye na nɛ tu zɔ ngɛ he nɛ ninyɛ ngɛ.

Daniel 1:12

“Moo ka wɔ nɛ o hyɛ ligbi nyɔngma. Ha wɔ pui nɛ waa ye, kɛ nyu pɛ nɛ waa nu.

Daniel 1:16

Lɔ ɔ he ɔ, kɛ je jamɛ a be ɔ kɛ yaa a, niye ní kpakpa kɛ dã a nɛ tsɔɔ kaa a ha mɛ ɔ, niye ní nɔ hyɛlɔ ɔ ha we mɛ hu; pui kɛkɛ ji nɔ́ nɛ e haa mɛ.

Romabi 14:1

Nɔ ko nɛ hemi kɛ yemi mi wɛ ɔ, nyɛɛ kɛ lɛ ko sã nya ngɛ nɔ́ nɛ e susuɔ kaa e sa nɛ e pee, kɛ nɔ́ nɛ e ko pee he. Se mohu nyɛ he lɛ atuu kɛ ba nyɛ kpɛti.

Romabi 14:14

Nɛ i ngɛ Kristo mi ɔ, i kpá si, nɛ i le kaa niye ní ko niye ní ko be nɛ he tsɔ we. Se ke nɔ ko buu niye ní ko kaa e he tsɔ we ɔ, lɛ nɛ niye ní ɔ he tsɔ we ha.

Romabi 14:20

Ko ya di niye ní se, nɛ o kpata nɔ́ ko nɛ Mawu pee hɛ mi. Nɔ́ tsuaa nɔ́ nɛ a yeɔ ɔ, e he tsɔ. Se nɔ́ ko nɛ o maa ye, nɛ ma ha o nyɛmi maa pee yayami ɔ, e sɛ kaa o ye.

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

1 Korintobi 10:25

Lo tsuaa lo nɛ a ngɛ juae ɔ, nyɛ ma nyɛ ye faa; enɛ ɔ peemi kó hao nyɛ he nile.

1 Korintobi 8:9

Nɔ́ nɛ hia kɛkɛ ji kaa nyɛɛ hyɛ nɛ hi nɛ nyɛ ko ngɔ he blɔ nɛ nyɛ ngɛ nɛ ɔ kɛ ye ní ɔ. Ke nyɛ pee jã a, nyɛ ma ha nɛ nyɛ nyɛmimɛ Kristo se nyɛɛli nɛ mɛɛ a hemi kɛ yemi mi wɛ ɔ maa pee yayami.

1 Korintobi 9:22

Ngɛ nihi nɛ a hemi kɛ yemi gbɔjɔ a kpɛti ɔ, i peeɔ ye ní kaa nɔ nɛ lɛ hu e hemi kɛ yemi gbɔjɔ, bɔ nɛ pee nɛ ye nine nɛ su a nɔ. Ee, bɔ tsuaa bɔ nɛ nɔ ko ngɛ ɔ, imi hu i peeɔ ye he kaa lɛ. I peeɔ enɛ ɔ, bɔ nɛ pee nɛ ma gu blɔ tsuaa blɔ nɔ kɛ he nihi a yi wami.

Galatabi 2:12

Yakobo tsɔ ni komɛ kɛ ba Antiokia. Benɛ tsɔli ɔmɛ na we nɛ a ba a, Petro kɛ ma je li ɔmɛ yeɔ ní. Se benɛ tsɔli ɔmɛ ba su ɔ, Petro tsɔ e he kɛ je a he nɛ e kɛ mɛ yi ní hu, ejakaa e ngɛ nihi nɛ deɔ ke a po ma je li ɔmɛ doo ɔ, gbeye yee.

1 Timoteo 4:4

Nɔ́ tsuaa nɔ́ nɛ Mawu bɔ ɔ hi. Wa ko kua ekoeko; mohu ɔ, wa sɔ́le nɔ́ tsuaa nɔ́, nɛ waa na Mawu si ngɛ he.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

Hebribi 9:10

ejakaa niye ní, kɛ dã, kɛ he tsumi kusumihi pɛ a he nɛ e kɔɔ. Enɛ ɔmɛ tsuo ɔ, he lo blɔ fa mi níhi nɛ maa hi si kɛ yaa si be nɛ Mawu maa pee níhi tsuo ehe kɛkɛ.