Romabi 13:8 - BAIBLO ALOO NGMAMI KLƆUKLƆU Ɔ

⁸ Nyɛ ko hɛɛ nɔ ko nɔ ko hiɔ. Hiɔ pɛ nɛ sa nɛ nyɛɛ hɛɛ nyɛ sibi ji suɔmi nɛ nyɛɛ kɛ maa suɔ nyɛ he. Ke nɔ ko suɔ e nyɛmi ɔ, kɛkɛ pe e ye mlaa a tsuo nɔ ji lɔ ɔ nɛ.

Somi He Ɔ

⁸ Nyɛ ko hɛɛ nɔ ko nɔ ko hiɔ, kaa ja suɔmi nɛ nyɛɛ kɛ maa suɔ nyɛ sibi ɔ. Ejakaa nɔ nɛ suɔ e nyɛmi ɔ, e ye Mlaa a nɔ ta.

Romabi 13:8 ပူးပေါင်းရင်းမြစ်များ

Mateo 7:12

“Lɔ ɔ he ɔ, nɔ́ tsuaa nɔ́ nɛ nyɛ hlaa kaa nihi nɛ pee ha nyɛ ɔ, nyɛ hu nyɛɛ pee ja nɔuu ngɔ ha mɛ. Mose mlaa a, kɛ ní nɛ gbali ɔmɛ tsɔɔ ɔ sisi ji nɛ ɔ nɛ.

Yohane 13:34

Jehanɛ ɔ, mlaa he i ngɛ nyɛ woe; nyɛɛ suɔ nyɛ sibi kaa bɔ nɛ i suɔ nyɛ ɔ.

Romabi 13:10

Ke o suɔ nɔ ko ɔ, o be lɛ yayami ko yayami ko pee. Ke o suɔ o nyɛmi ɔ, kɛkɛ pe o ye mlaa a tsuo nɔ ɔ nɛ.

Romabi 13:7

Lɔ ɔ he ɔ, bɔ nɛ ji nɔ tsuaa nɔ blɔ nya a, nyɛɛ pee ha lɛ. Ma tó nɛ sa kaa nyɛɛ wo ɔ, nyɛɛ wo; tó nɛ a heɔ ngɛ weto ní he jio, nyɛɛ wo; nihi nɛ sa he si bami ɔ, nyɛɛ ba he si ha mɛ; nɛ nyɛɛ bu nihi nɛ sa bu.

Galatabi 5:14

Ejakaa mlaa a tsuo nɔ yemi ɔ kpiti pomi ji, “Suɔ o nyɛmi kaa bɔ nɛ o suɔ mo nitsɛ o he.”

Kolosebi 3:14

Enɛ ɔmɛ tsuo a se ɔ, nyɛ ha suɔmi nɛ pee kaa tade nɛ nyɛ wo, ejakaa suɔmi ngɛ kaa kpa nɛ fiɔ níhi tsuo ngɔ peeɔ kake, nɛ lɛ tsuo peeɔ pɛ.

1 Timoteo 1:5

Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

Yakobo 2:8

E ngɛ ngmami ɔ mi ke, “Suɔ o nyɛmi kaa bɔ nɛ o suɔ mo nitsɛ o he.” Matsɛ yemi ɔ mi mlaa ji nɛ ɔ nɛ; ke o ye nɔ ɔ, lɛɛ o pee saminya.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.