Romabi 13:6 - BAIBLO ALOO NGMAMI KLƆUKLƆU Ɔ

⁶ Enɛ ɔ he je nɛ nyɛ woɔ tó ɔ nɛ. Ejakaa nɔ yeli ɔmɛ ɔ, Mawu tsɔli ji mɛ; nɛ ní tsumi pɔtɛɛ nɛ a tsuɔ ji nɛ ɔ nɛ.

Somi He Ɔ

⁶ Enɛ he je hulɔ nɛ nyɛ tsuɔ onia a nɛ. Ejakaa Mawu tsɔli ji mɛ, nɛ kikɛmɛ a sɔmɔmi nɛ ɔ nɔuu he nɛ a ngɛ ɔ nɛ.

Romabi 13:6 ပူးပေါင်းရင်းမြစ်များ

Samuel II, 8:5

Benɛ Siria bi ɔmɛ nɛ ngɛ Damasko ɔ ya konɛ a ya je ngmlaa ha Zoba matsɛ, Hadadezer ɔ, David gbe a kpɛti nimli akpe nyingmi enyɔ kɛ enyɔ.

Kronika I, 18:14

David ye Israel ma a tsuo nɔ matsɛ; e ye dami sane kɛ ha nɔ tsuaa nɔ ngɛ Mawu mlaa a nya.

Ezra 4:13

Nɛnɛ, ná nɛ o le kaa ke a po ma a gbe nya a, a be tó, loo sika ko woe hu, nɛ sika be matsɛ nito he ɔ bae bɔ nɛ sa.

Ezra 4:20

Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Ezra 6:8

Jehanɛ, nɔ́ nɛ i ngɛ fae nɛ nyɛɛ pee ha Yuda ma nimeli ɔmɛ ngɛ ní tsumi ɔ he ji nɛ ɔ nɛ. Tó nɛ a ma na kɛ je Yufrate pa a se kɛ wo matsɛ nito he ɔ, hiɔ nɛ a maa bɔ ngɛ ní tsumi ɔ he ɔ, a jé tó ɔ mi eko kɛ ha Yuda ma nimeli ɔmɛ nɛ a kɛ wo hiɔ ɔ tsuo ngɛ be nɛ sa mi.

Nehemia 5:4

Ni komɛ hu ke, “Wa pa sika kɛ wo wa zugba amɛ, kɛ wa wai ngmɔ ɔmɛ a he tó ha nɔ yeli ɔmɛ.

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Romabi 12:8

Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.

Romabi 13:5

Enɛ ɔ he je ɔ, e sa kaa nyɛɛ ba nyɛ he si ha nɔ yeli; pi kaa nyɛ tue kɛkɛ nɛ Mawu maa gbla ke nyɛ pee we ja, se nyɛ he nile hu maa bu nyɛ fɔ.

Romabi 13:7

Lɔ ɔ he ɔ, bɔ nɛ ji nɔ tsuaa nɔ blɔ nya a, nyɛɛ pee ha lɛ. Ma tó nɛ sa kaa nyɛɛ wo ɔ, nyɛɛ wo; tó nɛ a heɔ ngɛ weto ní he jio, nyɛɛ wo; nihi nɛ sa he si bami ɔ, nyɛɛ ba he si ha mɛ; nɛ nyɛɛ bu nihi nɛ sa bu.