Romabi 13:14 - BAIBLO ALOO NGMAMI KLƆUKLƆU Ɔ

¹⁴ Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Somi He Ɔ

¹⁴ se mohu nyɛɛ wo Nyɔmtsɛ Yesu Kristo, nɛ nyɛ ko ha he lo ɔ he susumi ɔ ba plɛ he lo ɔ se dimi.

Romabi 13:14 ပူးပေါင်းရင်းမြစ်များ

Efesobi 4:24

Nyɛɛ ba nyɛ je mi kaa ni hehi nɛ a bɔ mɛ ehe ngɛ Mawu subai nɔ; konɛ a na nyɛ kaa anɔkuale mi ɔ, nyɛ peeɔ nɔ́ nɛ da, nɛ nyɛ he hu tsɔ.

Galatabi 3:27

Nyɛ nihi tsuo nɛ a sɔle nyɛ ngɔ wo Kristo mi ɔ, amlɔ nɛ ɔ, Kristo pee kaa tade nɛ nyɛ wo.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Hiob 29:14

Be tsuaa be ɔ, i yeɔ dami sane, nɛ i peeɔ nɔ́ nɛ da.

Kolosebi 2:23

Niinɛ, ni komɛ susuɔ kaa kikɛmɛ a mlaa nɛ ɔmɛ tsɔɔ nile nɛ haa nɔ nitsɛ fiiɔ si ngɛ jami mi. A buá peeɔ a he humi, nɛ a waa nɔmlɔ tso ɔ yi mi kɛ tsɔɔ kaa Mawu lɛ a ngɛ jae. Anɔkuale mi ɔ, mlaa nɛ ɔmɛ nyɛ we nɛ a tsiɔ nɔmlɔ tso ɔ we akɔnɔ nya.