Romabi 12:9 - BAIBLO ALOO NGMAMI KLƆUKLƆU Ɔ

⁹ Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Somi He Ɔ

⁹ Suɔmi ɔ, osato ko hi mi. Nyɛɛ nyɛ yayami kulaa; nyɛɛ pɛtɛ nɔ kpakpa he.

Romabi 12:9 ပူးပေါင်းရင်းမြစ်များ

La 101:3

I be yi wu tso níhi a he susue. Nihi nɛ kua Mawu ɔ, i kɛ mɛ be bɔe. A ní peemi níhi muɛ ye hɛ.

La 119:104

O mlaa a jeɔ nile ha mi, lɔ ɔ he ɔ, i hiee je mi bami yaya.

La 119:163

I sume lakpa kulaa, i hiee lɛ; se o mlaa lɛɛ i suɔ.

La 34:14

Jɔɔ yayami peemi, nɛ o pee kpakpa. Hla tue mi jɔmi, nɛ o nyɛɛ se.

La 36:4

Ke e hwɔ si ɔ, nɔ́ yayami he ga lɛ e toɔ. E kpa we yayami peemi ɔ, e pee we nɔ́ kpakpa hulɔ.

La 45:7

O suɔ nɔ́ nɛ da, se yayami lɛɛ o hĩɔ; enɛ ɔ he je ɔ, o Mawu ɔ wo mo matsɛ, nɛ e ha mo bua jɔmi pe matsɛmɛ ɔmɛ tsuo.

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

La 97:10

Yawɛ suɔ nihi tsuo nɛ hiee yayami. E baa e ni klɔuklɔu ɔmɛ a yi, nɛ e jeɔ mɛ kɛ jeɔ yiwutsotsɛmɛ a dɛ mi.

Abɛ Womi 26:25

Ke e kɛ mo tu munyu dɔkɔbii ɔ, ko he lɛ nɛ o ye, ejakaa e tsui mi hyi tɔ kɛ ninyɛ sɔuu.

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Mateo 26:49

Yuda ba Yesu ngɔ amlɔ ba de ke, “Tsɔɔlɔ he manye.” Kɛkɛ nɛ e fiɔ Yesu nya he.

Yohane 12:6

Se enɛ ɔ nɛ e de ɔ, pi kaa ohiatsɛmɛ ɔmɛ a he nɔ́ nɛ ngɛ lɛ dɔe. Mohu julɔ ji lɛ; nɛ akɛnɛ sika kpɛɛ ɔ ngɛ e dɛ ɔ, ke pee ɔ, e juɔ nɔ́ nɛ a ngɔ woɔ mi ɔ eko.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

2 Korintobi 6:6

Waa kɛ subai kpakpa, nile nɛ mi kuɔ, tsui si tomi, mi mi himi, klɔuklɔu peemi ngɛ mumi mi, anɔkuale suɔmi,

2 Korintobi 8:8

Pi mlaa nɛ i ngɛ nyɛ woe. Dɛbi! Hɛdɔ nɛ Makedonia asafo ɔmɛ kɛ tsu ní ɔ nɛ i kɛ ngɛ nyɛ suɔmi ɔ he toe kaa e je tsui klɔuu mi lo.

1 Tesalonikabi 2:3

Lɔ ɔ he ɔ, nyɛ maa na kaa munyu nɛ wa kɛ ba fɔ nyɛ hɛ mi ɔ, pi mu ní tsumi, loo juɛmi yayami mi nɛ e je; wa bɛ nɛ wa ba sisi nyɛ.

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

1 Tesalonikabi 5:21

Nyɛɛ ka nɔ́ tsuaa nɔ́ hyɛ. Nɔ́ nɛ hi ɔ, nyɛɛ pɛtɛ he nɛ wa;

1 Timoteo 1:5

Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

Hebribi 1:9

O suɔ dami sane yemi; se mlaa nɔ tɔmi lɛɛ o nyɛ. Enɛ ɔ he je Mawu nɛ ji o Mawu ɔ pɔ mo nu, nɛ o na bua jɔmi kulaa pe o nyɛmimɛ ɔmɛ.”

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 4:8

Nɔ́ nɛ he hia pe kulaa ji kaa nyɛɛ suɔ nyɛ he saminya; ejakaa suɔmi haa yayami babauu nɔ.