Romabi 12:8 - BAIBLO ALOO NGMAMI KLƆUKLƆU Ɔ

⁸ Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.

Somi He Ɔ

⁸ nɔ nɛ tuɔ munyu tsɔɔ nihi ɔ, e hɛɛ munyu tumi kɛ tsɔɔmi ɔ mi; nɔ nɛ dlaa ni ngɔ haa nihi ɔ, e pee kɛ tsui jɔjɔɛ. Nɔ nɛ yeɔ nɔkɔtɔma a, e bɔ mɔde. Nɔ nɛ naa mɔbɔ ɔ, e pee kɛ tsui mi jɔmi.

Romabi 12:8 ပူးပေါင်းရင်းမြစ်များ

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

La 37:21

Ke nɔmlɔ yayami pa sika a, e wui hiɔ; dalɔ lɛɛ e naa mɔbɔ, nɛ e haa nɔ nɔ́.

Abɛ Womi 22:9

Nɔ nɛ mi mi jɔ ɔ, a gbaa lɛ, ejakaa e ngɔɔ e niye ní kɛ haa ohiatsɛmɛ.

Fiɛlɔ 11:6

Du ní mɔtu kɛ gbɔkuɛ tsuo. O li a kpɛti nɔ́ nɛ maa ba; mɔtu nɔ́ ɔ jio, gbɔkuɛ nɔ́ ɔ jio. Enyɔ ɔmɛ tsuo maa hi jio, o li.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Yesaya 32:5

A be kuasia hɛ mi nyami woe hu, nɛ nɔ sisilɔ ɔ, a be lɛ tsɛe ke anɔkualetsɛ hu.

Yesaya 32:8

Se nɔ nɛ hɛ mi ngɛ nyami ɔ lɛɛ ní kpakpahi a he e susuɔ, nɛ e yeɔ dami sane.

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 13:12

Benɛ amlaalo ɔ na nɔ́ nɛ ba a, e he ye. Nɔ́ nɛ e kase ngɛ Nyɔmtsɛ ɔ he ɔ pee lɛ nyakpɛ saminya.

Ni Tsumi 13:15

Benɛ a kane Mose mlaa a, kɛ gbali ɔmɛ a womi ɔ se ɔ, kpe he ɔ nikɔtɔma amɛ tsɔ ba de Paulo kɛ Barnaba ke, “Nyɛmimɛ, ke nyɛ ngɛ munyu ko nɛ maa wo ni ɔmɛ he wami ɔ, nyɛɛ tu.”

Ni Tsumi 15:32

Yuda, kɛ Sila nɛ a nya mi tsɔ kɛ Mawu munyu fiɛmi ɔ, tu munyu babauu kɛ wo nyɛmimɛ ɔmɛ bua kɛ he wami.

Ni Tsumi 20:2

E kpa si kɛ gu lejɛ ɔ kpokpa amɛ a nɔ, nɛ e tu munyuhi saminya kɛ wo ni ɔmɛ he wami. Jehanɛ ɔ, e ba su Akaya,

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Ni Tsumi 4:36

Bɔ nɛ ba loko Yosef ya jua e zugba nɛ e ngɔ sika a ba ha bɔfo ɔmɛ ji nɛ ɔ nɛ. Yosef nɛ ɔ, Levi no ji lɛ; a fɔ lɛ ngɛ Kipro. Biɛ nɛ bɔfo ɔmɛ kɛ tsɛɔ lɛ ji Barnaba. E sisi ji nɔmlɔ nɛ woɔ nɔ he wami.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

Romabi 13:6

Enɛ ɔ he je nɛ nyɛ woɔ tó ɔ nɛ. Ejakaa nɔ yeli ɔmɛ ɔ, Mawu tsɔli ji mɛ; nɛ ní tsumi pɔtɛɛ nɛ a tsuɔ ji nɛ ɔ nɛ.

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

1 Korintobi 14:3

Se nɔ nɛ ngɛ Mawu sɛ gbi ɔ fiɛe ɔ lɛɛ nimli nɛ e kɛ ngɛ munyu tue; e piɛɔ a he, e woɔ mɛ he wami, nɛ e haa mɛ bua jɔmi.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 9:11

Ee, Mawu maa wo nyɛ ní babauu, konɛ nyɛ kɛ pee kpakpa be tsuaa be. Enɛ ɔ ma ha nihi fuu maa na Mawu si ngɛ nike ní nɛ a naa ngɛ nyɛ dɛ kɛ guu wa nɔ ɔ he.

2 Korintobi 9:13

Kikɛmɛ a ní tsumi nɛ nyɛ ngɛ tsue nɛ ɔ maa tsɔɔ kaa Kristo sɔmɔli ji nyɛ niinɛ. Nɛ nyɛ nyɛmimɛ ɔmɛ nɛ heɔ yeɔ ɔ ma je Mawu yi ngɛ Kristo sane kpakpa a fiɛmi, kɛ tue bumi he. A ma je Mawu yi hulɔ ngɛ nike níhi nɛ nyɛ je nyɛ tsui mi faa ha a kɛ ni kpahi tsuo ɔ he.

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

Efesobi 6:5

Nyɛ nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ kɛ gbeye yemi kɛ he domi, nɛ nyɛ sɔmɔ mɛ kɛ nyɛ tsui tsuo kaa bɔ nɛ nyɛ peeɔ ha Kristo ɔ;

Mose V, 15:14

Ngɔɔ níhi nɛ Yawɛ, o Mawu ɔ kɛ gbaa mo ɔ, to, blɛfo, kɛ wai ɔ eko kɛ ha lɛ faa, nɛ o kɛ wo lɛ blɔ.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Kolosebi 3:22

Nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ ngɛ nɔ́ tsuaa nɔ́ mi, pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Mohu ɔ, nyɛɛ bu mɛ kɛ je nyɛ tsui mi kaa nihi nɛ yeɔ Mawu gbeye.

1 Tesalonikabi 2:3

Lɔ ɔ he ɔ, nyɛ maa na kaa munyu nɛ wa kɛ ba fɔ nyɛ hɛ mi ɔ, pi mu ní tsumi, loo juɛmi yayami mi nɛ e je; wa bɛ nɛ wa ba sisi nyɛ.

1 Tesalonikabi 2:8

Akɛnɛ wa suɔ nyɛ saminya a, wa na he tsui kaa pi Mawu sane kpakpa a kɛkɛ nɛ wa maa ngɔ ba ha nyɛ; se wɔ nitsɛmɛ wa wami tete wa ma ngɔ fɔ si ha nyɛ. Suɔmi nɛ wa ngɛ kɛ ha nyɛ ɔ nya wa!

1 Timoteo 4:13

Yaa nɔ nɛ o hi ngmami ɔ kanee ha asafo ɔ; hii munyu ɔ fiɛe, nɛ o hi mɛ ní nɛ ɔmɛ tsɔɔe kɛ yaa si be nɛ ma ba.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.

1 Timoteo 6:18

A ko pee kpɛle, se a bɔle nine ha nɔ tsuaa nɔ.

Hebribi 10:25

Nyɛ ko ha wa jɔɔ wa he nya buami kaa bɔ nɛ ni komɛ hlaa peemi ɔ. Mohu ɔ, nyɛ ha waa ya nɔ nɛ waa wo wa sibi he wami wawɛɛ, titli ɔ, akɛnɛ nyɛ le kaa Nyɔmtsɛ ɔ bami be ɔ su ta a.

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

Hebribi 13:22

Ye nyɛmimɛ, womi nɛ i ngma nyɛ nɛ ɔ nya kɛ we kulaa, lɔ ɔ he ɔ, i kpa nyɛ pɛɛ nɛ nyɛɛ ye slɔmi ɔmɛ a nɔ.

Hebribi 13:24

Wa biɔ nyɛ hɛ mi nyɛɛli ɔmɛ, kɛ ni klɔuklɔu ɔmɛ tsuo. Ni nɛmɛ nɛ je Italia a hu ke a biɔ nyɛ.

Hebribi 13:7

Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.