Romabi 12:7 - BAIBLO ALOO NGMAMI KLƆUKLƆU Ɔ

⁷ Ke a ha wɔ he wami nɛ a kɛ sɔmɔɔ nyɛmimɛ ɔ, wa sɔmɔ; ke ní tsɔɔmi ɔ, wa tsɔɔ.

Somi He Ɔ

⁷ Ke sɔmɔmi ʼi ɔ, waa hɛɛ sɔmɔmi ɔ nɔuu mi; ke ni tsɔɔmi ɔ, wa hɛɛ ni tsɔɔmi ɔ mi;

Romabi 12:7 ပူးပေါင်းရင်းမြစ်များ

La 34:11

Ye bimɛ, nyɛɛ ba nɛ nyɛ ba bu mi tue, nɛ ma tsɔɔ nyɛ nɛ nyɛɛ ye Yawɛ gbeye.

La 51:13

Kɛkɛ ɔ, ma tsɔɔ yayami peeli o mlaa a, konɛ a kpale kɛ ba o ngɔ.

Fiɛlɔ 12:9

Fiɛlɔ ɔ, pi kaa e juɛmi mi kuɔ kɛkɛ; e tsɔɔ ma a nile hulɔ. E bua abɛhi a nya. E kase abɛ ɔmɛ saminya, nɛ e hla a mi.

Yesaya 21:8

Bulɔ ɔ kpa ngmlaa ke, “Nyɔmtsɛ, i daa si ngɛ ye blɔ he ɔ kɛ ngɛ bue nyɔ kɛ pia tsuo.”

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Ni Tsumi 13:1

Gbali, kɛ tsɔɔli komɛ ngɛ Antiokia asafo ɔ mi. Mɛ ji Barnaba, Simeon nɛ a tsɛɛ lɛ Yumu hulɔ ɔ, kɛ Lusio, Kirene no ɔ, Manahen nɛ a tsɔse e kɛ amlaalo Herode ɔ, kɛ Saulo.

Ni Tsumi 20:20

Nyɛ le hu kaa níhi nɛ a he ngɛ se nami ha nyɛ ɔ, i laa we nyɛ ekoeko nɔ; se mohu i fiɛ, nɛ i tsɔɔ nyɛ ní faii ngɛ ma nɔ, kɛ nyɛ we ɔmɛ a mi tsuo.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Ni Tsumi 6:1

Jamɛ be ɔ mi benɛ kaseli ɔmɛ a he ba bɔni hiɛmi ɔ, a kpɛti nihi nɛ tuɔ Hela gbi ɔ ba te si kɛ wo ni nɛmɛ nɛ tuɔ Hebri gbi ɔ ke a hyɛ we mɛ nihi nɛ tuɔ Hela gbi ɔ a yalɔyi ɔmɛ bɔ nɛ sa; sika nɛ a haa yalɔyihi daa ligbi nɛ a kɛ hyɛɛ a he nɔ ɔ, mɛɛ lɛɛ a nine sui a nɔ́ nɔ.

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

1 Korintobi 12:5

Blɔ slɔɔtohi a nɔ a guɔ kɛ sɔmɔɔ, se Nyɔmtsɛ kake ɔ nɔuu a sɔmɔɔ.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

Mose V, 33:10

A maa tsɔɔ Israel bi ɔmɛ o mlaa a, konɛ a ye nɔ. A maa sã bɔ ɔmɛ ngɛ o bɔ sami la tɛ ɔ nɔ.

Kolosebi 4:17

Jehanɛ ɔ, nyɛ de Arkipo ke, “Ní tsumi ɔ nɛ a tu ngɔ wo o dɛ ke o tsu ha Nyɔmtsɛ ɔ, hyɛ nɛ o tsu kɛ gbe nya.”

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

1 Timoteo 3:2

Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

1 Timoteo 4:16

Timoteo, hyɛ mo nitsɛ o he nɔ saminya; nɔ́ nɛ o ngɛ tsɔɔe ɔ hu hyɛ nɔ bɔ nɛ sa. Ejakaa ke o pee ja a, o ma he mo nitsɛ o yi wami, kɛ nihi nɛ buɔ mo tue ɔ hulɔ.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

2 Timoteo 2:24

Nyɔmtsɛ ɔ sɔmɔlɔ ɔ, e sɛ́ kaa e pɛɔ, mohu ɔ, e mi nɛ jɔ ha nɔ tsuaa nɔ; e pee ní tsɔɔlɔ kpakpa nɛ toɔ e tsui si.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.