Romabi 12:3 - BAIBLO ALOO NGMAMI KLƆUKLƆU Ɔ

³ I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.

Somi He Ɔ

³ Se i kɛ dloomi nɛ a kɛ dloo mi ɔ ngɛ nyɛ ti nɔ tsuaa nɔ dee ke e ko bu lɛ nitsɛ e he babauu tsɔ pe bɔ nɛ sa kaa e buu e he, se mohu e susu hɛ si kami susumi, nɔ tsuaa nɔ ɔ, kaa bɔ nɛ Mawu kale hemi kɛ yemi kalemi ɔ ngɔ ha lɛ ɔ.

Romabi 12:3 ပူးပေါင်းရင်းမြစ်များ

Abɛ Womi 25:27

Hwo babauu yemi hí; lɔ ɔ he ɔ, ko hla yi jemi kɛ be nɔ.

Abɛ Womi 26:12

Ke nɔ ko buu e he ní lelɔ, nɛ pohu e li nɔ́ ko ɔ, hɛ nɔ kami ngɛ ha kuasia po pe lɛ.

Fiɛlɔ 7:16

Lɔ ɔ he ɔ, koo pee o he dalɔ, aloo ní lelɔ tsɔ. Mɛni he je lɛ o ma kpata mo nitsɛ o hɛ mi?

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Luka 18:11

“Farisi no ɔ ya da si ngɛ he ko banee, nɛ e sɔle ke, ‘Mawu, i naa mo si kaa i pee we jiklɔɔ; i sisi we nɔ, nɛ i puɛ we gba kaa bɔ nɛ ni komɛ peeɔ ɔ. I naa mo si ekohu kaa i be kaa tó tsulɔ nɛ ɔ hulɔ.

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Romabi 11:20

Saminya! Hemi nɛ a he we yi he je nɛ a po mɛ; nɛ moo lɛɛ hemi kɛ yemi o kɛ daa si ɔ nɛ. O yi ko fu, se mohu o hɛ nɛ hi o he nɔ.

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Romabi 12:16

Bɔ nɛ nyɛ maa pee kɛ ha nɔ kake ɔ, nyɛɛ pee ja kɛ ha nɔ tsuaa nɔ. Nyɛ ko wo nyɛ he nɔ, se mohu nyɛɛ kɛ ni nɛmɛ nɛ baa a he si ɔ nɛ bɔ; nɛ nyɛ ko bu nyɛ he ní leli tsɔ.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

1 Korintobi 3:10

I ngɔ Mawu dloomi nɛ e ha mi ɔ, nɛ i kɛ to tsu ɔ sisi kaa tsu fialɔ kpanaa nɛ le ga tsuɔ ní; nɛ nɔ kpa ba ngɛ nɔ fiae. Se e hia kaa nɔ tsuaa nɔ nɛ hyɛ kaa e ngɛ tsu ɔ fiae saminya ngɛ sisi tomi ɔ nɔ lo.

1 Korintobi 7:17

Nike ní nɛ Nyɔmtsɛ Yesu ha nɔ ko loko Mawu ba tsɛ lɛ ɔ, é ya nɔ nɛ e tsu he ní kaa bɔ nɛ e peeɔ ɔ. Enɛ ɔ nɛ i tsɔɔ ngɛ asafo ɔmɛ tsuo a mi.

2 Korintobi 10:13

Wɔɔ lɛɛ wa maa fĩa kɛ ya ta he ko pɛ; ní tsumi nɛ Mawu ha wɔ nɛ wa ngɛ tsue kɛ ba su nyɛ ngɔ hiɛmɛ nɛ ɔ, lɔ ɔ he wa maa fĩa ngɛ.

2 Korintobi 12:13

Mɛni ji nɔ́ nɛ i pee ha asafo kpa amɛ nɛ i pee we ha nyɛ, pe kaa i doo we nyɛ nya ke nyɛɛ ye kɛ bua mi kɛ nɔ́ ko? Ke enɛ ɔ ji yayami nɛ i pee nyɛ ɔ, i kpa nyɛ pɛɛ nɛ nyɛ ngɔ pa mi!

2 Korintobi 12:7

Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

Galatabi 6:3

Ke e peeɔ nɔ ko kaa nɔ ko ji lɛ, se pohu pi nɔ ko kulaa ji lɛ ɔ, lɛ nitsɛ e he nɛ e ngɛ sisie.

Efesobi 3:2

I heɔ yeɔ kaa ní tsumi nɛ Mawu dloomi ɔ tu ngɔ wo ye dɛ ngɛ nyɛ ma je li ɔmɛ nyɛ he ɔ, nyɛ maa nu he.

Efesobi 3:4

Ke nyɛ kane nɔ́ nɛ i ngma a saminya a, yi mi nɛ Mawu to ngɛ laami mi, nɛ Kristo ha nɛ e ba mi ɔ, nyɛ maa na bɔ nɛ i nu sisi ha.

Efesobi 4:16

E ngɛ nɔmlɔ tso ɔ he ní ɔmɛ tsuo a nɔ he wami, nɛ e haa nɛ kpɔ nya kpɔ nya amɛ tsuo tsaa a sibi a nya. Nɛ ke he ní ɔmɛ tsuo tsu a blɔ nya ní tsumi pɛpɛɛpɛ bɔ nɛ sa a, nɔmlɔ tso ɔ tsuo waa, nɛ e yiɔ tɔ kɛ suɔmi ní tsumi.

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

Kolosebi 2:13

Sa a, nyɛ ngɛ kaa ni komɛ nɛ gbo, ejakaa nyɛ peeɔ yayami, nɛ he lo nya a, a pui nyɛ. Se amlɔ nɛ ɔ, Mawu ha nɛ nyɛɛ kɛ Kristo tsuo ba wami mi ekohu; ee, Mawu ngɔ wɔ tsuo wa he yayami ɔmɛ ngɔ pa wɔ.

1 Timoteo 1:14

Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

1 Timoteo 2:15

Se ke yo ɔ kɛ hɛdɔ he Mawu ye, nɛ e suɔ nyɛmimɛ ɔmɛ, nɛ e pee e he klɔuklɔu kɛ humi ɔ, Mawu ma he e yi wami kɛ gu bimɛ nɛ e ma fɔ ɔ a nɔ.

1 Timoteo 2:9

Jã kɛ̃ i suɔ kaa yihi hu nɛ a ngɔ juɛmi kɛ to a he dlami he. A dla a he bɔ nɛ sa kɛkɛ kaa humi. A gbɔ a yi ngɛ hɛngmɛ nɔ. A ko ngɔ sika tsu, loo adiagba kɛ hɔɔ a yi mi; nɛ a ko wo tade nɛ he jua wa tsɔ hulɔ.

Tito 2:12

Dloomi nɛ ɔ bɔɔ wɔ kɔkɔ kaa wa kpa yayami peemi, nɛ wa ko di je nɛ ɔ mi akɔnɔ níhi a se. E tsɔɔ wɔ kaa waa hyɛ wa he nɔ saminya; waa pee nɔ́ nɛ da, nɛ waa ye Mawu gbeye,

Tito 2:2

Nyumu nikɔtɔma amɛ ɔ, o kɛ mɛ nɛ tu munyu, konɛ a pee a he nihi nɛ a hɛ mi ka si, nihi nɛ tsuɔ ní kɛ hɛdɔ, nɛ a juɛmi ka si. A hemi kɛ yemi, suɔmi nɛ a ngɛ, kɛ a tsui si tomi ɔ, á hɛɛ mi wawɛɛ.

Tito 2:4

konɛ a tsɔse yihewi ɔmɛ nɛ a suɔ a hunomɛ, kɛ a bimɛ.

Tito 2:6

Nihewi ɔmɛ hu, tu munyu kɛ tsɔɔ mɛ jã nɔuu, konɛ a nyɛ nɛ a ye a he nɔ saminya.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

3 Yohane 1:9

I ngma womi kpiti ko ngɔ mane asafo ɔ. Se Diotrefe, nɔ nɛ hlaa kaa e pee e he nɔkɔtɔma a bui mi kulaa.