Romabi 12:17 - BAIBLO ALOO NGMAMI KLƆUKLƆU Ɔ

¹⁷ Nyɛ ko pee nɔ ko yayami kɛ to yayami nane mi. Nyɛ ha nihi tsuo nɛ a na kaa nyɛ ngɛ nɔ́ nɛ da pee.

Somi He Ɔ

¹⁷ Nyɛ ko ngɔ yayami ngɔ ma nɔ ko nɔ ko yayami nane mi. Nyɛ susu nɔ́ nɛ ngɛ fɛu ngɛ nimli kulaa a hɛ mi ɔ he.

Romabi 12:17 ပူးပေါင်းရင်းမြစ်များ

Abɛ Womi 20:22

Ke nɔ ko pee mo yayami ɔ, ko de ke mo hu o maa pee lɛ kɛ to nane mi. Ngɔɔ o sane ɔ kɛ ha Yawɛ, nɛ e maa piɛ o he.

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

Mateo 5:39

Se imi lɛɛ i ngɛ nyɛ dee ke ke nɔ ko pee nyɛ yayami ɔ, nyɛ ko pee lɛ yayami ngɔ to nane mi. Ke nɔ ko gba o hiɔ ɔ nɔ tue mi ɔ, plɛ kake ɔ hu ha lɛ.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

1 Tesalonikabi 5:22

se nɔ́ tsuaa nɔ́ nɛ ji yayami ɔ lɛɛ nyɛɛ hɛ nyɛ kɛ je he.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.

Kolosebi 4:5

Be tsuaa be nɛ nyɛɛ kɛ nihi nɛ he we Kristo yi ma bua a, nyɛɛ ba nyɛ je mi saminya, konɛ a na kaa nyɛɛ lɛɛ nyɛ le Kristo.

Romabi 14:16

Nɔ́ ko nɛ nyɛ buu nɔ́ kpakpa a, nyɛ ko ha nɛ a tu he munyu yaya.

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

1 Tesalonikabi 4:12

Ke nyɛ pee jã a, nihi nɛ li Kristo lolo ɔ maa bu nyɛ, nɛ nyɛ be nyɛ he ngɔe kɛ fɔ nɔ ko nɔ.

Mose I, 42:25

Yosef fa e tsɔli ɔmɛ ke a wo e nyɛmimɛ ɔmɛ a blɛfo kotoku ɔmɛ a mi blɛfo nɛ a hyi tɔtɔɔtɔ. Jehanɛ se hu, e fa ke a kpale nɔ tsuaa nɔ sika nɛ e hɛɛ kɛ ba a kɛ wo e kotoku ɔ mi, nɛ a ha mɛ niye ní nɛ a ya ye ngɛ blɔ ɔ nɔ. Tsɔli ɔmɛ pee ja.

Samuel I, 26:11

Yawɛ hiɔ kaa nɔmlɔ nɛ lɛ, Yawɛ nitsɛ e wo lɛ matsɛ ɔ, ma pue e muɔ si. Ha waa kɛ̃ akplɔ ɔ nɛ ngɛ e yi tetle mi ɔ, kɛ nyu kɛ kplu ɔ, nɛ waa ho.”

Abɛ Womi 24:29

Ko de ke, “Ma pee lɛ kaa bɔ nɛ e pee mi ɔ!” Ko de ke, “Nɔ́ nɛ e pee mi ɔ, imi hu ma pee lɛ kɛ to nya!”

Mateo 5:24

si o nike ní ɔ ngɛ lejɛ ɔ, ngɛ bɔ sami la tɛ ɔ hɛ mi. Yaa esɔ, nɛ o kɛ o nyɛmi ɔ ya kpata lolo, konɛ o kpale kɛ ba nɛ o kɛ o nike ní ɔ ba ha Mawu.

Rut Womi 3:14

Lɔ ɔ he ɔ, e hwɔ Boaz nane si blɔ kɛ ya si mɔtu. Nɛ́ nɔ ko kó le kaa yo ko ba lejɛ ɔ he je ɔ, Rut te si loko je mi tsɔ.