Romabi 12:14 - BAIBLO ALOO NGMAMI KLƆUKLƆU Ɔ

¹⁴ Nihi nɛ waa nyɛ yi mi ɔ, nyɛ kpa Mawu pɛɛ ha mɛ; nyɛ ko gbiɛ mɛ.

Somi He Ɔ

¹⁴ Nyɛɛ gbaa nihi nɛ waa nyɛ yi mi ɔ, nyɛɛ gbaa nɛ nyɛ ko gbiɛ.

Romabi 12:14 ပူးပေါင်းရင်းမြစ်များ

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Mateo 5:44

Se imi lɛɛ i ngɛ nyɛ dee ke nyɛɛ suɔ nyɛ he nyɛli, nɛ nyɛɛ sɔle ha nihi nɛ waa nyɛ yi mi,

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

Romabi 12:21

Nyɛ ko ha yayami nɛ ye nyɛ nɔ, se mohu nyɛɛ ngɔ kpakpa peemi kɛ ye yayami nɔ kunimi.

Luka 6:28

nyɛɛ gbaa nihi nɛ gbiɛɛ nyɛ, nɛ nyɛɛ sɔle ha ni nɛmɛ nɛ waa nyɛ yi mi.

Yakobo 3:10

Adesa lilɛ kake ɔ, e kɛ gbaa, nɛ e kɛ gbiɛɔ nɔ hulɔ. Ye nyɛmimɛ, e sɛ́ kaa e baa jã.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.