Romabi 12:12 - BAIBLO ALOO NGMAMI KLƆUKLƆU Ɔ

¹² Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

Somi He Ɔ

¹² Nyɛ nya ngɛ hɛ kɛ nɔ fɔmi mi; nyɛ mia nyɛ hɛ mi ngɛ dengme gbomi mi; nyɛɛ hɛɛ sɔlemi mi daa.

Romabi 12:12 ပူးပေါင်းရင်းမြစ်များ

La 109:4

I suɔ mɛ, nɛ i faa kue kɛ haa mɛ, se mɛɛ lɛɛ a poɔ ye nya yaka gu.

La 37:7

Pee dii ngɛ Yawɛ hɛ mi; too o tsui si, nɛ o hyɛ lɛ blɔ. Koo ye o tsui ngɛ nihi nɛ ná a he ɔ a he; nihi nɛ pee yayami nɛ a kɛ ná a he ɔ, koo ye o tsui ngɛ a he.

La 40:1

I to ye tsui si kɛ hyɛ blɔ kaa Yawɛ ma ba piɛ ye he lo. Niinɛ, e bu mi tue, nɛ e nu ye kue fami ɔ.

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

Abɛ Womi 10:28

Nihi nɛ peeɔ kpakpa a, a hɛ kɛ nɔ fɔmi ya peeɔ bua jɔmi. Se yayami peeli lɛɛ a hɛ kɛ nɔ fɔmi maa pee yaka.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Luka 21:19

Nyɛɛ hɛɛ nyɛ hemi kɛ yemi ɔ mi kpɛii, nɛ nyɛ ma na neneene wami.

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Ni Tsumi 1:14

A kɛ yi ɔmɛ, kɛ Yesu nyɛ Maria, kɛ Yesu nyɛminyumu ɔmɛ pɔɔ a he nya buami kɛ ha sɔlemi.

Ni Tsumi 12:5

Enɛ ɔ he ɔ, e tsi Petro nya ngɛ tsu ɔ mi; se Kristo asafo ɔ kpa Mawu pɛɛ wawɛɛ kɛ ha Petro.

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Ni Tsumi 6:4

Wɔɔ lɛɛ wa maa ngɔ wa be tsuo kɛ pee sɔlemi, nɛ waa fiɛ Mawu munyu ɔ.”

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Romabi 8:25

Se ke wa ngɛ nɔ́ ko blɔ hyɛe, nɛ wa ngɔ wa hɛ kɛ fɔ nɔ kaa wa nine maa su nɔ ɔ, wa toɔ wa tsui si.

1 Korintobi 13:13

Amlɔ nɛ ɔ, ní etɛ nɛ ɔmɛ nɛ ngɛ: hemi kɛ yemi, hɛ kɛ nɔ fɔmi, kɛ suɔmi. Se nɔ́ nɛ pe mɛ tsuo ji suɔmi.

2 Korintobi 12:8

I kpa Nyɔmtsɛ ɔ pɛɛ si etɛ sɔuu ke e je nɔ́ nɛ ɔ kɛ je ye nɔ.

Filipibi 3:1

Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Kolosebi 1:11

I kpaa Mawu pɛɛ, nɛ e kɛ e he wami nɛ hɛ mi ngɛ nyami ɔ nɛ wo nyɛ he wami, konɛ nyɛ nyɛ́ nɛ nyɛɛ to nyɛ tsui si kɛ na nɔ́, nɛ nyɛɛ kɛ bua jɔmi nɛ na Tsɛ ɔ si. Lɛ nɛ ha nɛ nyɛ ná he blɔ, nɛ gbosi ní nɛ lɛ Mawu ɔ ngɔ to ha ni klɔuklɔu ɔmɛ ngɛ e matsɛ yemi ɔ mi ɔ, nyɛ hu nyɛ nine maa su nyɛ nɔ́ nɔ.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Kolosebi 4:2

Nyɛɛ ya nɔ nyɛɛ sɔle daa, nɛ nyɛ hɛ nɛ hi nyɛ he nɔ, nɛ nyɛɛ na Mawu si.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

2 Tesalonikabi 1:4

Wɔ nitsɛmɛ wa fĩaa fɔɔ nyɛ nɔ ngɛ Mawu asafo ɔmɛ a mi kaa nyɛ ngɛ hemi kɛ yemi nɛ mi wa. Ejakaa be mi nɛ a ngɛ nyɛ yi mi wae, nɛ nyɛ ngɛ nɔ́ nae ɔ, nyɛ to nyɛ tsui si, nɛ nyɛ mia nyɛ hɛ mi kɛ ngɛ ní nɛ ɔmɛ tsuo a mi gblee.

2 Tesalonikabi 3:5

Nyɔmtsɛ ɔ nɛ ha nɛ nyɛɛ nu Mawu suɔmi ɔ, kɛ Kristo tsui si tomi ɔ sisi saminya.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

2 Timoteo 3:10

Se Timoteo, moo lɛɛ, ní nɛ i tsɔɔ, bɔ nɛ i baa ye je mi, oti nɛ i kɛ fɔ ye hɛ mi ngɛ je nɛ ɔ mi, kɛ nɔ́ nɛ i heɔ yeɔ ɔ, o le. O le bɔ nɛ i toɔ ye tsui si, bɔ nɛ i suɔ nɔ, kɛ bɔ nɛ ye hɛ mi ka si.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Tito 3:7

E pee enɛ ɔ, konɛ wɔ nɛ a wo wɔ nguɔ kɛ gu Yesu Kristo dloomi ɔ nɔ ɔ, neneene wami ɔ nɛ wa ngɔ wa hɛ ngɔ fɔ nɔ ɔ, wa nine nɛ su nɔ.

Hebribi 10:32

Nyɛ kai bɔ nɛ nyɛ hi si sa a. Benɛ nyɛ ba le Mawu ɔ, nyɛɛ kɛ hɛ mi miami na amanehlu babauu.

Hebribi 10:36

E hia kaa nyɛɛ to nyɛ tsui si, nɛ nyɛɛ pee Mawu suɔmi nya ní, konɛ nɔ́ nɛ e wo he si ɔ, nyɛ nine nɛ su nɔ.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Hebribi 6:15

Abraham to e tsui si, nɛ e nine su nɔ́ nɛ Mawu ke e ma ha lɛ ɔ nɔ.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

2 Petro 1:6

Nyɛɛ ngɔ he nɔ yemi ngɔ piɛ nile ɔ he; nyɛɛ ngɔ hɛ si kami ngɔ piɛ he nɔ yemi ɔ he; nyɛɛ ngɔ Mawu gbeye yemi ngɔ piɛ hɛ si kami ɔ he;

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”