Romabi 12:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

Somi He Ɔ

¹⁰ Nyɛɛ kɛ nyɛmimɛ a suɔmi nɛ suɔ nyɛ he; nɔ tsuaa nɔ kɛ bu nɛ ha e nyɛmi kekle.

Romabi 12:10 ပူးပေါင်းရင်းမြစ်များ

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

Hebribi 13:1

Nyɛɛ ya nɔ nɛ nyɛɛ suɔ nyɛ sibi daa kaa nyɛmimɛ.

1 Yohane 4:11

Ye nyɛmimɛ nɛ i suɔ, ke kikɛ nɛ ɔ Mawu suɔ wɔ ɔ, wɔ hu e sa kaa waa suɔ wa sibi.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 2:17

Nyɛɛ bu nɔ tsuaa nɔ; nyɛɛ suɔ nyɛmimɛ ɔmɛ nɛ ngɔ a he ngɔ ha Kristo ɔ; nyɛɛ ye Mawu gbeye, nɛ nyɛɛ bu matsɛ ɔ.

1 Tesalonikabi 4:9

Jehanɛ, suɔmi nɛ sa kaa e hi nyɛmimɛ nɛ heɔ yeɔ ɔ a kpɛti ɔ, e hia we kaa ma ngma nyɛ womi ngɛ lɔ ɔ he hu. Mawu tsɔɔ nyɛ momo kaa nyɛɛ suɔ nyɛ he,

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

La 133:1

Hyɛ bɔ nɛ e hi, bɔ nɛ e ngɛ fɛu, ke nyɛmimɛ pee kake kɛ hi si!

1 Yohane 4:20

Ke nɔ ko ke e suɔ Mawu, se e nyɛɛ e nyɛmi ɔ, lakpatsɛ ji lɛ. Ejakaa nɔ nɛ sume e nyɛmi nɛ e naa kɛ hɛngmɛ ɔ, kɛ e maa pee kɛɛ nɛ e maa suɔ Mawu nɛ e nɛ ɔ.

2 Petro 1:7

nyɛɛ ngɔ nyɛmi peemi ngɔ piɛ Mawu gbeye yemi ɔ he, nɛ nyɛɛ ngɔ suɔmi ngɔ piɛ nyɛmi peemi ɔ he.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Yohane 15:17

Mlaa nɛ i ngɛ nyɛ woe ji nyɛɛ suɔ nyɛ sibi.

Romabi 13:7

Lɔ ɔ he ɔ, bɔ nɛ ji nɔ tsuaa nɔ blɔ nya a, nyɛɛ pee ha lɛ. Ma tó nɛ sa kaa nyɛɛ wo ɔ, nyɛɛ wo; tó nɛ a heɔ ngɛ weto ní he jio, nyɛɛ wo; nihi nɛ sa he si bami ɔ, nyɛɛ ba he si ha mɛ; nɛ nyɛɛ bu nihi nɛ sa bu.

Ni Tsumi 4:32

Nihi babauu nɛ he Yesu ye ɔ tsuo hɛɛ juɛmi kake, kɛ mumi kake. Nɛ a ti nɔ ko nɔ ko tsɛ we e níhi nɛ e ngɛ ɔ mi eko ke lɛ nitsɛ e nɔ́, se mohu, nɔ́ nɛ nɔ ko ngɛ ɔ peeɔ ma tsuo nɔ́.

Luka 14:10

Lɔ ɔ he ɔ, ke a kpee mo ɔ, yaa nɛ o ya hi nane si je, konɛ ke nɔ nɛ kpee mo ɔ ba a, e ba de mo ke, ‘Ye huɛ, ba yimɛ a je.’ Enɛ ɔ ma ha nɛ o hɛ mi maa ba nyami ngɛ nihi tsuo nɛ o kɛ mɛ hii si ɔ a hɛ mi.

Mateo 20:26

Nyɛɛ lɛɛ e ko ba ja ngɛ nyɛ kpɛti; nɔ tsuaa nɔ nɛ maa suɔ kaa e pee nɔmlɔ nguaa ngɛ nyɛ kpɛti ɔ, lɛ mohu e plɛ nyɛ sɔmɔlɔ;

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

Kolosebi 1:4

Ejakaa hemi kɛ yemi nɛ nyɛ ngɛ ngɛ Kristo Yesu mi, kɛ suɔmi nɛ nyɛɛ kɛ suɔ ni klɔuklɔu ɔmɛ tsuo ɔ, wa nu he.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Yohane 17:21

I ngɛ pɛɛ kpae nɛ mɛ tsuo a pee kake. Tsaatsɛ! Bɔ nɛ o ngɛ ye mi, nɛ i ngɛ o mi ɔ, mɛ hu a hi wa mi jã nɔuu. Pee mɛ kake, konɛ je ɔ nɛ he ye kaa mo nɛ o tsɔ mi.

Hiob 1:4

Ke pee ɔ, Hiob binyumu ɔmɛ tsɛɔ ní yemi kakaaka ngɛ a we ɔmɛ a mi, nɔ tsuaa nɔ kɛ e be, nɛ a kpeeɔ a nyɛmimɛ yi etɛ ɔmɛ kɛ baa ní yemi ɔ.

Mose I, 13:9

Zugba a tsuo ji tilaa ngɛ o hɛ mi nɛ ɔ nɛ. Moo po zugba a he nɛ o suɔ, konɛ o hi o dɛ he; ke o ngɔ muɔ nɔ je ɔ, ma ngɔ hiɔ nɔ je. Ke hiɔ nɔ je o suɔ jio, imi hu ma ngɔ muɔ nɔ je.”

Yeremia 38:12

Ebedmelek, Etiopia no ɔ de mi ke ma ngɔ tako piɛ ɔ, kɛ bo gbagbɛ ɔ kɛ wo ye ngasi, ngɛ kpa a sisi. I pee ja,