Romabi 11:28 - BAIBLO ALOO NGMAMI KLƆUKLƆU Ɔ

²⁸ Ngɛ sane kpakpa a blɔ fa mi ɔ, nyɛ he ɔ, Yuda bi ɔmɛ peeɔ Mawu he nyɛli. Se akɛnɛ e hla a nɛmɛ ɔmɛ momo he je ɔ, Mawu suɔ mɛ.

Somi He Ɔ

²⁸ Ngɛ Sane Kpakpa a blɔfami ɔ, he nyɛli ji mɛ ngɛ nyɛ he. Se ngɛ hlami ɔ blɔfami ɔ, a suɔ mɛ ngɛ tsɛmɛ ɔmɛ a he.

Romabi 11:28 ပူးပေါင်းရင်းမြစ်များ

Mose I, 26:4

Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Yeremia 31:3

i je ye he kpo ngɔ tsɔɔ mɛ ngɛ tsitsaa lokoo. Israel ma, kɛ je blema lɛ i je suɔmi nɛ nya wa kpo kɛ tsɔɔ nyɛ. Nɛ kɛ ba si piɔ hu jamɛ a suɔmi ɔ ngɛ; e se pui.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Mateo 21:43

Yesu ya nɔ nɛ e de mɛ ke, “Lɔ ɔ he ɔ, i ngɛ nyɛ dee ke, a ma kpɔ Mawu matsɛ yemi ɔ ngɛ nyɛ dɛ, nɛ a kɛ ma ha ma je li a ma ko nɛ maa wo yiblii bɔ nɛ sa.” [

Luka 1:54

Si nɛ e wo wa nɛmɛ ɔmɛ ɔ, e ye nɔ; nɛ e ba piɛ e tsɔlɔ Israel he.

Ni Tsumi 14:2

Se Yuda bi nɛ he we Yesu yi ɔ puɛ ma je li ɔmɛ a tue, nɛ a sú mɛ ngɔ wo nyɛmimɛ ɔmɛ nɛ he ye ɔ a he.

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”

Romabi 11:11

Jehanɛ, i ngɛ bie ke, nɛ a tɛ nɔ́ nɛ a nɔ si ɔ, a nɔ gbidii nɛ a ti hu lo? Dɛbi! A si gbeemi ɔ bli blɔ ha ma je li ɔmɛ, nɛ a he a yi wami. Enɛ ɔ ha Israel bi ɔmɛ je mɛ hunga.

Romabi 11:30

Nyɛ ma je li, sa a, nyɛ bui Mawu, se jehanɛ lɛɛ Mawu na nyɛ mɔbɔ, ejakaa Yuda bi ɔmɛ hu ba gbo tue.

Romabi 11:7

Lɛɛ kɛ ji lɛ kɛɛ? Israel nine sui nɔ́ nɛ a ngɛ hlae ɔ nɔ. Nihi nɛ Mawu hla a, mɛɛ lɛɛ a nine su nɔ. Ni nɛmɛ nɛ piɛ ɔ lɛɛ a wa tue.

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

Romabi 9:5

A mi nɛ wa nɛmɛ ɔmɛ je, nɛ Kristo ɔ tete a nina ji lɛ ngɛ he lo nya. Kristo ɔ ji Mawu Ope ɔ nɛ yeɔ nihi tsuo a nɔ ɔ nɛ. A je e yi kɛ ya neneene! Amen.

Mose V, 10:15

Se akɛnɛ suɔmi nɛ Yawɛ ngɛ kɛ ha nyɛ nɛmɛ ɔmɛ nya wa wawɛɛ he je ɔ, e hla nyɛ nɛ ji a nina a mohu ngɛ je ma kpa amɛ a mi; nɛ kɛ ba si mwɔnɛ ɔ hu, nyɛ ji e ma nɛ e hla.

Mose V, 4:31

Akɛnɛ Yawɛ, nyɛ Mawu ɔ, mɔbɔ nalɔ ji lɛ he je ɔ, e be nyɛ kuae, nɛ e be nyɛ hɛ mi kpatae; e hɛ be somi nɛ e kɛ nyɛ nɛmɛ ɔmɛ so ɔ nɔ jee.

Mose V, 8:18

Nyɛ kai kaa Yawɛ, nyɛ Mawu ɔ ji nɔ nɛ haa nyɛ he wami nɛ nyɛ kɛ naa ní. E ngɛ enɛ ɔmɛ pee, ejakaa e ngɛ anɔkuale yee kɛ mwɔɔ ngɛ somi nɛ e kɛ nyɛ nɛmɛ ɔmɛ so ɔ he.

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.