Romabi 11:18 - BAIBLO ALOO NGMAMI KLƆUKLƆU Ɔ

¹⁸ koo fĩa kaa o pe jamɛ a kɔni ɔmɛ nɛ a kplɔɔ ɔ. Ke o maa fĩa a, o hɛ nɛ hi o he nɔ kaa pi mo nɛ o hɛɛ sipoku ɔ, se mohu sipoku ɔ nɛ hɛɛ mo.

Somi He Ɔ

¹⁸ koo fia ngɛ kɔni ɔmɛ a nɔ; ke o fia ngɛ a nɔ ɔ, oʼɛ, tsa pi mo nɛ o hɛɛ poku ɔ, se poku ɔ mohu lɛ hɛɛ mo.

Romabi 11:18 ပူးပေါင်းရင်းမြစ်များ

Matsɛmɛ I, 20:11

Israel matsɛ, Ahab he nɔ ke, “Nyɛ ya de Matsɛ Benhadad ke, ta bulɔ kpakpa a, ta nyagbe e fĩaa ngɛ, se pi ta sisije.”

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Mateo 26:33

Petro ka Yesu kita, nɛ e de ke, “Ke ni ɔmɛ tsuo si mo ɔ, imi lɛɛ i be mo sie gblegbleegble!”

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 4:22

Nyɛ Samaria bi, nyɛ li nɔ tutuutu nɛ nyɛ jaa a; se wɔ Yuda bi lɛɛ nɔ nɛ wa jaa a, wa le lɛ; ejakaa wɔ nɛ wa ngɔ yi wami hemi kɛ ba.

Ni Tsumi 25:7

Benɛ Paulo ba lejɛ ɔ, Yuda bi nɛ je Yerusalem kɛ ba a ba bɔle lɛ kɛ kpe, nɛ a kɛ sanehi babauu nɛ nya wa ba po e nya. Se níhi nɛ a de kɛ si Paulo ɔ, a nyɛ we nɛ a tsɔɔ kaa ní ɔmɛ ngɛ mi niinɛ.

Romabi 11:20

Saminya! Hemi nɛ a he we yi he je nɛ a po mɛ; nɛ moo lɛɛ hemi kɛ yemi o kɛ daa si ɔ nɛ. O yi ko fu, se mohu o hɛ nɛ hi o he nɔ.

Romabi 3:27

Lɛɛ mɛni nɔ wa maa fĩa ngɔ fɔ mɔ? Nɔ́ ko kulaa be kaa ja. Lɛɛ mɛni mɔ? Ní tsumi ngɛ mlaa a nya lo? Dɛbi! Yesu Kristo nɛ wa heɔ yeɔ mohu.

Romabi 4:16

Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

1 Korintobi 10:12

Lɔ ɔ he ɔ, nɔ nɛ susuɔ kaa e daa si ɔ, e hyɛ e he nɛ hi, konɛ e ko nɔ si.

Galatabi 3:29

Ke Kristo we bi ji nyɛ ɔ, lɛɛ Abraham nina ji nyɛ, nɛ si nɛ Mawu wo ɔ nya a, nyɛ peeɔ gbosi ní yeli.