Romabi 10:7 - BAIBLO ALOO NGMAMI KLƆUKLƆU Ɔ

⁷ aloo “Mɛnɔ maa ya muɔ voo ɔ mi?” (lɔ ɔ ji konɛ e ya ngɔ Kristo kɛ je gbeje kɛ ba.)

Somi He Ɔ

⁷ aloo: ‘Mɛnɔ ma kple si kɛ ya sisi muɔ nɛ ɔ mi?’ ” (lɔ ɔ ji, konɛ e ya ngɔ Kristo kɛ je gbeje kɛ ba).

Romabi 10:7 ပူးပေါင်းရင်းမြစ်များ

Luka 8:31

Kɛkɛ nɛ mumi yayami ɔmɛ de Yesu ke, “Wa kpa mo pɛɛ, ko ha nɛ wa ya sɛ muɔ voo ɔ nɛ ngɛ zugba a sisi ɔ mi.”

Romabi 4:25

Mawu ngɔ Kristo kɛ ha nɛ a gbe lɛ ngɛ wa he yayami ɔmɛ a he; nɛ a tle lɛ si kɛ ba wami mi ekohu, konɛ e kɛ wo wɔ nguɔ.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.