Romabi 10:3 - BAIBLO ALOO NGMAMI KLƆUKLƆU Ɔ

³ Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

Somi He Ɔ

³ Ejakaa a li Mawu dami ɔ, se mɛ nitsɛmɛ a dami mohu a hlaa nɛ a ngɔ ma si he je ɔ, a bɛ́ a he si hi Mawu dami ɔ.

Romabi 10:3 ပူးပေါင်းရင်းမြစ်များ

Nehemia 9:33

O ye dami sane kaa o gbla wa tue, ejakaa o ye anɔkuale, be nɛ wɔɔ lɛɛ wa pee yayami.

Hiob 33:27

E kɛ bua jɔmi ma de ngɛ ma hɛ mi ke, “I pee yayami. I pee we nɔ́ nɛ da blɔ, se kɛ̃ ɔ, Mawu na mi mɔbɔ.

La 71:19

Mawu, bɔ nɛ o he wa, kɛ bɔ nɛ o yeɔ dami sane ɔ, nɔ ko nɔ ko be nyɛe maa kale. O tsu nyakpɛ níhi babauu. Mawu, mɛnɔ kɛ mo sɔ?

Yesaya 51:1

Yawɛ ke, “Nyɛ nihi nɛ nyɛ ngɛ hlae nɛ a he nyɛ yi wami, nɛ nyɛ ba ye ngɔ, konɛ ma piɛ nyɛ he, nyɛɛ bu mi tue. Nyɛ susu ní nɛ ɔmɛ a he: tɛ sa nɛ a gba nyɛ kɛ je mi ɔ, kɛ tɛ muɔ nɛ a tsua nyɛ kɛ je mi ɔ.

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Yesaya 56:1

Bɔ nɛ Yawɛ ngɛ e ma a dee ji nɛ ɔ nɛ: “Nyɛɛ pee nɔ́ nɛ da, kɛ nɔ́ nɛ sa, ejakaa e be kɛe kulaa nɛ ma ba he nyɛ yi wami.

Yesaya 57:12

Nyɛ susuɔ kaa nɔ́ nɛ nyɛ ngɛ pee ɔ da, se ma ha nyɛ maa na paa kaa amaga amɛ nɛ nyɛ ngɛ a se nyɛɛe ɔ be nyɛe maa pee nɔ́ kpakpa ko ha nyɛ.

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Kɔmɔ Yemi 3:22

kaa Yawɛ suɔmi se pui gblegbleegble; e naa mɔbɔ daa.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Mose III, 26:41

nɛ lɔ ɔ he nɛ imi hu i je a se, nɛ i ngmɛɛ a he kɛ ha a he nyɛli, nɛ a kɛ mɛ ho ma se ya a nɛ. Se ke jehanɛ lɛɛ nyɛ nina tsake a tsui, nɛ a ba a he si, nɛ a kpa yayami peemi ɔ,

Luka 10:29

Se mlaa tsɔɔlɔ ɔ hla kaa e maa bu e he bemi, lɔ ɔ he ɔ, e bi Yesu ke, “Mɛnɔ ji ye nyɛmi?”

Luka 16:15

Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

Romabi 10:2

Ejakaa i ngɛ odase ngɛ he kaa a hɛ dɔɔ wawɛɛ ngɛ Mawu he, se blɔ nɔ nɛ a kɛ ma ja lɛ ɔ nɛ a li.

Romabi 10:20

Yesaya hu kɛ kã de ke, “I ha nihi nɛ hla we mi ɔ na mi, Nɛ nihi nɛ bi we ye si ɔ, i je ye he kpo tsɔɔ mɛ.”

Romabi 11:7

Lɛɛ kɛ ji lɛ kɛɛ? Israel nine sui nɔ́ nɛ a ngɛ hlae ɔ nɔ. Nihi nɛ Mawu hla a, mɛɛ lɛɛ a nine su nɔ. Ni nɛmɛ nɛ piɛ ɔ lɛɛ a wa tue.

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

Romabi 5:19

Ejakaa kaa bɔ nɛ nihi babauu ba pee yayami peeli ngɛ nɔ kake tue gbomi he ɔ, jã kɛ̃ Yesu Kristo nɔ kake e tue nɛ e bu ɔ he ɔ, Mawu maa bu nihi tsuo dali.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Mose V, 6:25

Ke wa ye nɔ́ tsuaa nɔ́ nɛ Yawɛ, wa Mawu ɔ fa wɔ ɔ nɔ pɛpɛɛpɛ ɔ, e bua maa jɔ wa he.’

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.