Romabi 10:21 - BAIBLO ALOO NGMAMI KLƆUKLƆU Ɔ

²¹ Se Israel lɛɛ Yesaya de ngɛ e he ke, “Daa nɛ ɔ, i gbɛ ye gugue mi nɛ ma he nyɛ atuu; Ma tue gboli nɛ a tsui kplii!”

Somi He Ɔ

²¹ Se Israel ɔ, e de mɛ ke: “Daa je nami i tsɛɛ ye nine mi haa Ma tue gboli kɛ sane nya jeli.”

Romabi 10:21 ပူးပေါင်းရင်းမြစ်များ

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Abɛ Womi 1:24

I hla nyɛ se blɔ, nɛ i tsɛ nyɛ si abɔ ke nyɛɛ ba ye ngɔ. Se nyɛ bui fɛɛ.

Yeremia 25:4

Daa nɛ ɔ, Yawɛ tsɔɔ e tsɔli gbali ɔmɛ kɛ baa nyɛ ngɔ. Se nyɛ bui mɛ tue, nɛ sɛ gbi nɛ a kɛ ba a hu nyɛ bui.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 35:17

Lɔ ɔ he ɔ, imi Yawɛ Tabohiatsɛ, Israel Mawu ɔ, bɔ nɛ i ngɛ dee ji nɛ ɔ nɛ. Nyɛ Yuda ma, kɛ Yerusalem ma mi bi, ní yayamihi tsuo nɛ i wo si ke e maa ba nyɛ nɔ ɔ, ma ngɔ kɛ ba nyɛ nɔ jehanɛ. Ma pee nɔ́ nɛ ɔ, ejakaa i kɛ nyɛ tu munyu, se nyɛ nui; i tsɛ nyɛ, se nyɛ he we nɔ.”

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Mose V, 31:27

I le kaa a kuɛ wa, nɛ a tsɔɔ atuã. Be mi nɛ i ngɛ je mi ɔ, a tsɔ Yawɛ hɛ mi atuã, nɛ ke i gbo lɛɛ kɛ e ma ba hi kɛɛ?

Mose V, 9:13

“Jehanɛ, Yawɛ de mi ke, ‘I le kaa ma nɛ ɔ kuɛ wa.

1 Tesalonikabi 2:16

Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.