Romabi 10:2 - BAIBLO ALOO NGMAMI KLƆUKLƆU Ɔ

² Ejakaa i ngɛ odase ngɛ he kaa a hɛ dɔɔ wawɛɛ ngɛ Mawu he, se blɔ nɔ nɛ a kɛ ma ja lɛ ɔ nɛ a li.

Somi He Ɔ

² Ejakaa i ngɛ he odase yee kaa a hɛ dɔɔ ngɛ Mawu he mohu, se pi ngɛ ni lemi nya.

Romabi 10:2 ပူးပေါင်းရင်းမြစ်များ

Matsɛmɛ II, 10:16

nɛ e de lɛ ke, “Ha waa ho nɛ o ya hyɛ kɛ o hɛngmɛ níhi nɛ i pee ha Yawɛ.” Nɛ e kɛ lɛ hi ta zugba lɛ ɔ mi kɛ ho Samaria ya.

La 14:4

Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”

Abɛ Womi 19:2

Nɔ nɛ li nɔ́ ɔ, e ní ngɛ mɔbɔ. Nɔ nɛ nane nya sɔɔ ɔ, e laa blɔ.

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Ni Tsumi 21:20

Benɛ a bu lɛ tue kɛ ya si nyagbe ɔ, mɛ tsuo a je Mawu yi. Kɛkɛ nɛ a de lɛ ke, “Wa nyɛmi Paulo, hyɛ, Yuda bi akpe abɔ nɛ he ye nɛ ɔ, o le bɔ nɛ a fiɛ we Mose mlaa a he ha.

Ni Tsumi 21:28

A kpa ngmlaa ke, “Tsaatsɛmɛ Israel bi, nyɛ ba piɛ wa he! Kikɛmɛ a nyumu nɛ ɔ yaa he tsuaa he ya tuɔ munyu yaya kɛ gbee Israel ma a he guɛ; e tuɔ munyu kɛ siɔ Mose mlaa a, kɛ wa sɔlemi we ɔ. Jehanɛ lɛɛ e ngɔ ma je li tete kɛ ba sɔlemi we ɔ ba ble he klɔuklɔu nɛ ɔ hulɔ!”

Ni Tsumi 22:22

Ni ɔmɛ bu Paulo tue hluu kɛ ba si e wo munyu nɛ ɔ ta, kɛkɛ nɛ a bɔni ngmlaa kpami wawɛɛ ke, “A kɛ lɛ nɛ ho! A gbe lɛ! E sɛ kaa e hii je mi!”

Ni Tsumi 22:3

“Yuda no ji mi; nɛ a fɔ mi ngɛ Tarso ngɛ Kilikia mohu, se Yerusalem hiɛmɛ nɛ ɔ nɛ a lɛ mi ngɛ. Gamaliel lɛ tsɔɔ mi ní. A tsɔse mi bɔ nɛ sa ngɛ wa nɛmɛ ɔmɛ a mlaa a nya. I kplɛɛ we nɔ́ ngɛ Mawu he kaa bɔ nɛ nyɛ tsuo nyɛ ngɛ pee mwɔnɛ nɛ ɔ.

Romabi 10:1

Ye nyɛmimɛ, pɛɛ nɛ i kpaa Mawu daa kɛ jeɔ ye tsui mi kɛ haa Israel bi ji kaa a he a yi wami.

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

2 Korintobi 8:3

I ngɛ odase yee kaa a ha bɔ nɛ a ma nyɛ kɛ je a tsui mi faa; ee, a ha pe bɔ nɛ a ma nyɛ po.

Galatabi 1:14

I tsu Yuda bi a jami ɔ he ní wawɛɛ pe wa juami bi Yuda fɔfɔɛhi babauu. I kɛ hɛdɔ tsu wa nɛmɛ ɔmɛ a kusumi ɔmɛ a he ní saminya.

Galatabi 4:15

Bua jɔmi nɛ nyɛ kɛ nya ye he jamɛ a be ɔ, jije e ngɛ amlɔ nɛ ɔ? Imi nitsɛ ma nyɛ ma ye odase kaa jamɛ a be ɔ, kaa e hi peemi ɔ, jinɛ nyɛ ko ta nyɛ hɛngmɛ tete po ngɔ ha mi.

Filipibi 1:9

I ngɛ Mawu pɛɛ kpae kaa suɔmi nɛ nyɛ ngɛ kɛ ha nyɛ sibi ɔ mi nɛ wa, nɛ nyɛ ná nile nɛ ma ha nyɛ nɔ́ se kɔmi mumi,

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

Kolosebi 4:13

I ngɛ e he odase yee kaa e gbo dengme saminya ngɛ nyɛɛ kɛ nihi nɛ ngɛ Laodikea, kɛ Hierapoli ɔ nyɛ he.