Romabi 10:19 - BAIBLO ALOO NGMAMI KLƆUKLƆU Ɔ

¹⁹ I ngɛ bie ekohu ke anɛ Israel li lo? Mose ji kekleekle nɔ nɛ he nɔ ke, “Ma ha nyɛ maa je je ma ko nɛ a bui lɛ kulaa he hunga; Nɛ i kɛ ma kɛ e mi kuasiahi sɔuu maa wo nyɛ mi mi la.”

Somi He Ɔ

¹⁹ I ngɛ bie ekohu ke: “Anɛ Israel li lo?” Mose sɛ hlami de ke: “Ma ha nyɛ maa je ma nɛ pi ma ko he hunga; Nɛ i kɛ ma ko nɛ li nɔ́ ko maa wo nyɛ mi mi la.”

Romabi 10:19 ပူးပေါင်းရင်းမြစ်များ

Mose V, 32:21

A kɛ a we amagahi wo ye mi mi la. A kɛ a yaka mawu ɔmɛ ye ye tsui. Lɔ ɔ he ɔ, ma ngɔ ma gu ko kɛ wo a mi mi la; ma ngɔ ma kɛ e mi kuasiahi sɔuu kɛ ye a tsui.

Romabi 11:11

Jehanɛ, i ngɛ bie ke, nɛ a tɛ nɔ́ nɛ a nɔ si ɔ, a nɔ gbidii nɛ a ti hu lo? Dɛbi! A si gbeemi ɔ bli blɔ ha ma je li ɔmɛ, nɛ a he a yi wami. Enɛ ɔ ha Israel bi ɔmɛ je mɛ hunga.

Romabi 11:14

Eko ɔ, gɛjɛmi nɛ i kɛ ngɛ nyɛ he ní tsue ɔ ma ha ye nyɛmimɛ Yuda bi ɔmɛ maa je hunga, nɛ ye he ɔ, Mawu ma he a ti ni komɛ a yi wami.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.

1 Korintobi 1:12

Nɔ́ nɛ i ngɛ tsɔɔe ji, nyɛ ti nɔ tsuaa nɔ ngɛ nɔ́ ko nɛ e ngɛ dee. Nɔ ko ke, “Paulo nɔ́ ji mi”, nɛ nɔ ko hu ke, “Imi lɛɛ Apolo nɔ́ ji mi”; nɔ kpa ke, “Imi lɛɛ Kefa nɔ́ ji mi”; nɛ nɔ kpa hu ke, “Oo, imi lɛɛ Kristo nitsɛ se nyɛɛlɔ ji mi.”

1 Korintobi 15:50

Ye nyɛmimɛ, nɔ́ nɛ i ngɛ tsɔɔe ji kaa he lo kɛ muɔ nine be Mawu matsɛ yemi ɔ nɔ sue; nɔ́ nɛ puɛɔ nine be nɔ́ nɛ puɛ we nɔ sue.

1 Korintobi 12:2

Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.

1 Korintobi 11:22

Anɛ nyɛ be nyɛ nitsɛmɛ nyɛ wehi nɛ nyɛ maa ye ní, nɛ nyɛ maa nu ní ngɛ lejɛ ɔmɛ lo? Aloo pe nyɛ ngɛ hlae nɛ nyɛɛ gbe Mawu asafo ɔ he guɛ, nɛ nyɛ pue ni nɛmɛ nɛ be nɔ́ ko ɔ a hɛ mi si? Kɛ ma de nyɛ kɛɛ? Ma je nyɛ yi lo? Dɛbi, i be nyɛ yi jee!

1 Korintobi 10:19

Lɛɛ kɛ i ngɛ tsɔɔe kɛɛ ɔ? Kaa amaga, loo niye ní nɛ a haa amaga a he hia lo?

1 Korintobi 7:29

Nyɛmimɛ, nɔ́ nɛ i ngɛ dee kɛkɛ ji kaa be ɔ pi hu. Kɛ je be nɛ ɔ mi kɛ yaa a, yitsɛmɛ nɛ a hi si kaa nɔ́ nɛ yo be a dɛ.

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Hosea 2:23

Ma to ye ma a sisi, nɛ a ma plɔke ngɛ zugba a nɔ. Nihi nɛ a tsɛɔ mɛ ke, “Asumemo” ɔ, ma je suɔmi kpo ha mɛ; nɛ ni nɛmɛ nɛ a tsɛɔ mɛ ke “Piyema” a, ma de mɛ ke, “Ye ma ji nyɛ.” Kɛkɛ ɔ, mɛ hu a ma he nɔ ke, “Mo ji wa Mawu.”

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?