Romabi 10:15 - BAIBLO ALOO NGMAMI KLƆUKLƆU Ɔ

¹⁵ Nɛ kɛ maa pee kɛɛ nɛ nihi maa fiɛ, ke a tsɔ we mɛ? Kaa bɔ nɛ a ngma a, “Hyɛ bɔ nɛ he jɔmi sane kpakpa a fiɛli a nanehi ngɛ fɛu ha.”

Somi He Ɔ

¹⁵ Nɛ kɛ maa pee kɛɛ nɛ a maa fiɛ ke a tsɔ we mɛ ɔ? Kaa bɔ nɛ a ngma a ke: “Hyɛ bɔ nɛ he jɔmi sane kpakpa fiɛli nɛ fiɛɛ ni kpakpa amɛ a nanehi ngɛ fɛu ha!”

Romabi 10:15 ပူးပေါင်းရင်းမြစ်များ

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

Nahum 1:15

Hyɛ, tsɔlɔ ko ma ngɛ yo ɔmɛ a nɔ kɛ manye munyu. E ngɛ fiɛe ngɛ dee ke wa ye kunimi. Yuda ma, nyɛɛ ye nyami ligbi ɔmɛ. Si nɛ nyɛ wo Mawu veveeve ɔ, nyɛɛ ye nɔ. Yiwutsotsɛmɛ nɛ ɔmɛ be bae nɛ a ba tua nyɛ zugba a hu. Ejakaa a kpata a hɛ mi pɛsɛpɛsɛ.

Efesobi 2:17

Lɔ ɔ he ɔ, Kristo ba nɛ e ba fiɛ sane kpakpa a nɛ haa nɔ he jɔmi ɔ ngɔ tsɔɔ nihi tsuo. E fiɛ ngɔ tsɔɔ nyɛ ma je li nɛ sa a nyɛɛ kɛ Mawu kpɛti kɛ ɔ, kɛ Yuda bi nɛ mɛɛ lɛɛ a ngɛ e kasa nya haa a.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Efesobi 6:15

Nɔ́ tsuaa nɔ́ nɛ ma ha nɛ nyɛɛ pee klaalo kɛ fiɛ he jɔmi sane kpakpa a, nyɛ kɛ pee tokota nɛ nyɛɛ wo.

Yesaya 40:9

Zion, mo manye munyu fiɛlɔ! Kuɔɔ kɛ ya yo gagaa ko nɔ, nɛ o ya fiɛ manye munyu ɔ kɛ he wami. Yerusalem, mo manye munyu fiɛlɔ, wo o gbi nɔ wawɛɛ, nɛ o fiɛ; koo ye gbeye! De Yuda ma amɛ ke, “Ne nyɛ Mawu ɔ!”

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Yohane 20:21

Jehanɛ ɔ, Yesu kpale de mɛ ekohu ke, “Nyɛ he manye! Bɔ nɛ Tsɛ ɔ tsɔ mi ɔ, ja nɔuu imi hu i ngɛ nyɛ tsɔe.”

Ni Tsumi 22:21

Kɛkɛ nɛ Nyɔmtsɛ ɔ de mi ke, ‘Yaa, ejakaa ma tsɔ mo ma je li ɔmɛ a ngɔ ngɛ tsitsaa lokoo!’ ”

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Luka 10:1

Enɛ ɔ se ɔ, Nyɔmtsɛ ɔ hla nihi nyingmi kpaago kɛ enyɔ kpa hu, nɛ e tsɔ mɛ enyɔɔnyɔ kɛ sɛ e hlami kɛ ya ma tsuaa ma mi, kɛ he tsuaa he nɛ lɛ nitsɛ e maa ya a.

Luka 8:1

Enɛ ɔ se ɔ, Yesu ya kpa mahi, kɛ kɔpehi a mi, nɛ e fiɛ sane kpakpa a nɛ kɔɔ Mawu matsɛ yemi ɔ he ngɔ tsɔɔ nihi. Ni nyɔngma kɛ enyɔ ɔmɛ piɛ e he,

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Luka 2:10

Se bɔfo ɔ de mɛ ke, “Nyɛ ko ye gbeye! I hɛɛ manye munyu nɛ ma ha Israel ma a tsuo ma na bua jɔmi babauu kɛ ha nyɛ.

Mateo 9:38

Lɔ ɔ he ɔ, nyɛ kpa ngmɔtsɛ ɔ pɛɛ, konɛ e wo apaatsɛmɛ blɔ kɛ ba bua ní nya.”

Yesaya 57:19

Nihi nɛ a ngɛ kpo nya, kɛ tsitsaa tsuo ma na tue mi jɔmi. Ma tsa ye ma a.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Romabi 1:15

Enɛ ɔ he ɔ, e ngɛ ye tsui nɔ wawɛɛ kaa maa fiɛ sane kpakpa a ngɔ tsɔɔ nyɛ nihi nɛ nyɛ ngɛ Roma a hulɔ.

Romabi 15:20

Nɔ́ pɔtɛɛ nɛ i kɛ ma ye hɛ mi ji kaa he nɛ a fiɛ we sane kpakpa a nɛ kɔɔ Kristo he ɔ ngɛ lolo ɔ, ma ya fiɛ ngɛ lejɛ ɔ. Kɛkɛ ɔ, nihi be dee ke i ngɛ tsu fiae kɛ ngɛ nɔ kpa sisi tomi nɔ mae.