Romabi 10:14 - BAIBLO ALOO NGMAMI KLƆUKLƆU Ɔ

¹⁴ Se kɛ maa pee kɛɛ nɛ a ma kpa ngmlaa kɛ tsɛ nɔ nɛ a he we lɛ yi ɔ? Nɛ kɛ maa pee kɛɛ nɛ a ma he nɔ nɛ a nui e he sane ɔ ye? Jehanɛ hu kɛ maa pee kɛɛ nɛ a maa nu, ke nɔ ko fiɛ we ha mɛ?

Somi He Ɔ

¹⁴ Se kɛ maa pee kɛɛ nɛ a ma kpa ngmlaa kɛ tsɛ nɔ nɛ a he we lɛ yi ɔ? Nɛ kɛ maa pee kɛɛ nɛ a ma he nɔ nɛ a nui e he sane ɔ ngɔ ye? Nɛ jeha nɛ hu, kɛ maa pee kɛɛ nɛ a maa nu ke fiɛlɔ ko be ɔ?

Romabi 10:14 ပူးပေါင်းရင်းမြစ်များ

Yona 1:16

Nɔ́ nɛ ɔ ha lɛ mi bi ɔmɛ ye Yawɛ gbeye wawɛɛ; lɔ ɔ he ɔ, a sã bɔ ha lɛ, nɛ a wo si kaa a ma sɔmɔ lɛ.

Yona 1:5

Lɛ hluili ɔmɛ ye gbeye, nɛ nɔ tsuaa nɔ kpa ngmlaa kɛ tsɛ e mawu. A je tlomi ɔmɛ kɛ wo wo ɔ mi konɛ lɛ ɔ nɛ pee huyɛhuyɛ ha mɛ. Se Yona lɛɛ e kple si kɛ ho lɛ ɔ sisi ya tɔɔ, nɛ e ya hwɔ si nɛ e hwɔ mahe vii.

Mateo 20:7

A he nɔ ke, ‘Nɔ ko ba bɔɛ wɔ apaa.’ E de mɛ ke, ‘Yoo, nyɛ hu nyɛɛ ya nɛ nyɛ ya tsu ní ngɛ ye wai ngmɔ ɔ mi.’

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 9:36

Nyumu ɔ he nɔ ke, “I kpa mo pɛɛ, mɛnɔ ji lɛ, konɛ ma he lɛ ma ye?”

Ni Tsumi 19:2

nɛ e bi mɛ ke, “Benɛ nyɛ he ye ɔ, anɛ nyɛ na Mumi Klɔuklɔu ɔ lo?” A de lɛ ke, “Wa nui hyɛ tete kaa Mumi Klɔuklɔu ko ngɛ.”

Ni Tsumi 8:31

Sɔmɔlɔ nɔkɔtɔma a he nɔ ke, “Kɛ ma pee kɛɛ nɛ ma nu sisi kaa ja nɔ ko tsɔɔ mi?” Kɛkɛ nɛ e de Filipo ke e kuɔ lɛ ɔ nɛ e ba hi si ngɛ e kasa nya.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Efesobi 2:17

Lɔ ɔ he ɔ, Kristo ba nɛ e ba fiɛ sane kpakpa a nɛ haa nɔ he jɔmi ɔ ngɔ tsɔɔ nihi tsuo. E fiɛ ngɔ tsɔɔ nyɛ ma je li nɛ sa a nyɛɛ kɛ Mawu kpɛti kɛ ɔ, kɛ Yuda bi nɛ mɛɛ lɛɛ a ngɛ e kasa nya haa a.

Efesobi 4:21

Niinɛ, nyɛ nu Kristo he, nɛ nyɛ ba pee e se nyɛɛli; nɛ anɔkuale ɔ nɛ kɔɔ e he ɔ, a tsɔɔ nyɛ.

Mose V, 30:13

E be wo se hulɔ nɛ nyɛ ma bi ke, ‘Mɛnɔ maa po wo, nɛ e ya ngɔ kɛ ba, konɛ waa nu, nɛ waa ye nɔ?’

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Tito 1:3

Lɔ ɔ he ɔ, be nɛ sa mi ɔ, e ha nɛ siwo nɛ ɔ ba mi kɛ gu e sane kpakpa a nɛ a tu ngɔ wo ye dɛ mi ɔ nɔ. Enɛ ɔ i ngɛ fiɛe, kaa bɔ nɛ Mawu, wa kpɔlɔ ɔ fa mi ke ma pee ɔ.

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.