Romabi 1:8 - BAIBLO ALOO NGMAMI KLƆUKLƆU Ɔ

⁸ Kekleekle ɔ, i gu Yesu Kristo nɔ kɛ ngɛ ye Mawu ɔ si nae ngɛ nyɛ tsuo nyɛ he, ejakaa a ngɛ hemi kɛ yemi nɛ nyɛ hɛɛ mi ɔ he odase yee ngɛ je ɔ mi he tsuaa he.

Somi He Ɔ

⁸ Kekleekle ɔ, i ngɛ Yesu Kristo nɔ gue kɛ ngɛ ye Mawu ɔ si nae ngɛ nyɛ kulaa nyɛ he, ejakaa a gbaa nyɛ hemi kɛ yemi ɔ he sane ngɛ je ɔ mi tsuo.

Romabi 1:8 ပူးပေါင်းရင်းမြစ်များ

Mateo 24:14

Nɛ sane kpakpa nɛ ɔ nɛ kɔɔ matsɛ yemi ɔ he ɔ, a maa fiɛ kɛ kpa je ɔ mi tsuo, bɔ nɛ pee nɛ je ma amɛ tsuo nɛ a nu; nɛ lɔ ɔ se loko nyagbe ɔ maa ba.

Luka 2:1

Jamɛ a be ɔ mi ɔ, Kaisare Augusto fa ke a kane nihi tsuo nɛ ngɛ Roma nɔ yemi he ɔ, nɛ a ngma a biɛ.

Ni Tsumi 11:28

A ti nɔ ko nɛ a tsɛɛ lɛ Agabo ɔ te da si, nɛ Mumi ɔ ha nɛ e gba nɛ e de ke hwɔ nguaa ko ma ba te si ngɛ je ɔ mi tsuo. Hwɔ ba niinɛ ngɛ Kaisare Klaudio yi nɔ.

Ni Tsumi 28:22

Se wa suɔ kaa wa maa bu mo tue nɛ waa le o juɛmi; ejakaa kuu nɛ o ngɛ mi nɛ ɔ, wa le kaa ngɛ he tsuaa he ɔ, a tuɔ e he munyu yaya.”

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Romabi 16:19

A nu nyɛ he ngɛ he tsuaa he kaa nyɛ pɛtɛ sane kpakpa a he wawɛɛ; nɔ́ nɛ ɔ ha nɛ i na nyɛ he bua jɔmi saminya. I suɔ kaa nyɛɛ le kpakpa, nɛ nyɛɛ pee; se yayami blɔ fa mi lɛɛ a ko nu nyɛ he kulaa.

Romabi 6:17

Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

1 Korintobi 1:4

I naa Mawu si daa kɛ haa nyɛ ngɛ dloomi nɛ e ngɔ ha nyɛ kɛ gu Kristo Yesu nɔ ɔ he.

2 Korintobi 2:14

Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

Efesobi 1:15

Enɛ ɔ he je ɔ, kɛ je benɛ i nu kaa nyɛ heɔ Nyɔmtsɛ Yesu Kristo yeɔ saminya, nɛ Mawu we bi ɔmɛ hu nyɛ suɔ mɛ ja nɔuu ɔ,

Efesobi 1:16

i kpa we Mawu si nami ha nyɛ. Ke i ngɛ sɔlee ɔ, i kaiɔ nyɛ,

Efesobi 3:21

Á gu Kristo Yesu nɔ kɛ wo Mawu hɛ mi nyami yi nɔhi tsuo ngɛ asafo ɔ mi kɛ ya neneene kɛ neneene. Amen.

Efesobi 5:20

Be tsuaa be ɔ, nyɛɛ na Tsɛ Mawu si ngɛ nɔ́ tsuaa nɔ́ he.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Filipibi 1:3

Be tsuaa be nɛ ye juɛmi maa ba nyɛ nɔ ɔ, i naa Mawu si ha nyɛ.

Kolosebi 1:3

Ke wa ngɛ sɔlee ha nyɛ ɔ, wa naa Mawu, wa Nyɔmtsɛ Yesu Kristo Tsɛ ɔ si daa.

1 Tesalonikabi 1:2

Wa naa Mawu si daa kɛ haa nyɛ tsuo, nɛ daa ke wa ngɛ sɔlee ɔ, wa woɔ nyɛ ta.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

2 Timoteo 1:3

Mawu ɔ nɛ i ngɛ sɔmɔe kɛ ye tsui tsuo kaa bɔ nɛ ye nɛmɛ ɔmɛ pee ɔ, i naa lɛ si. Daa nyɔ kɛ pia ke i ngɛ sɔlee ɔ, i kaiɔ mo.

Filemon 1:4

Ye nyɛmi Filemon, be tsuaa be nɛ ma sɔle ɔ, i woɔ o ta, nɛ i naa Mawu si.

Hebribi 13:15

Lɔ ɔ he ɔ, e hia kaa wa je Mawu yi daa. Wɔ nihi nɛ wa heɔ Mawu yeɔ ɔ, nɔ́ nɛ waa kɛ wa nya jaje ɔ kɛ jeɔ e Bi ɔ yi ɔ ji bɔ nɛ wa ngɛ sãe ha Mawu kɛ gu Yesu Kristo nɔ ɔ nɛ.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.