Romabi 1:4 - BAIBLO ALOO NGMAMI KLƆUKLƆU Ɔ

⁴ Se a tle lɛ si kɛ je gbeje ngɛ Mawu mumi ɔ he wami nya kɛ tsɔɔ kaa Mawu Bi ji lɛ; nɛ e ngɛ klɔuklɔu.

Somi He Ɔ

⁴ nɔ nɛ ngɛ he tsɔmi mumi ɔ nya a, a gu ni gbogboehi a si temi nɔ je lɛ tsɔɔ ngɛ he wami mi kaa Mawu bi, Yesu Kristo, wa Nyɔmtsɛ ɔ.

Romabi 1:4 ပူးပေါင်းရင်းမြစ်များ

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Ni Tsumi 2:24

Se Mawu tle lɛ si kɛ je gbeje; e kpɔ lɛ ngɛ gbenɔ nya mi, ejakaa gbenɔ be e nya nyɛe maa tsi kɔkɔɔkɔ.

Ni Tsumi 2:32

Mawu tle kikɛmɛ a Yesu nɛ ɔ nɔuu si kɛ je gbeje; lɔ ɔ he odase yeli ji wɔ tsuo.

Ni Tsumi 3:15

Wami matsɛ ɔ, nyɛ gbe lɛ. Se Mawu tle lɛ si kɛ je gbeje; lɔ ɔ nɔuu he odase yeli ji wɔ.

Romabi 1:3

Sane kpakpa a kɔɔ e Bi, wa Nyɔmtsɛ Yesu Kristo he. A fɔ lɛ kaa adesa, nɛ David nina ji lɛ.

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

1 Petro 1:11

A bɔ mɔde kaa a maa na be nɛ nɔ́ nɛ ɔ maa ba mi, kɛ bɔ nɛ e ma plɛ kɛ ba ha. Be ɔ nɛ Kristo mumi ɔ nɛ ngɛ a mi ɔ ngɛ tsɔɔe ji lɔ ɔ nɛ. Mumi ɔ de to ke Kristo maa na amanehlu, nɛ lɔ ɔ se ɔ, e hɛ mi maa ba nyami.

2 Petro 1:21

Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.