Romabi 1:29 - BAIBLO ALOO NGMAMI KLƆUKLƆU Ɔ

²⁹ A peeɔ yi wu tso ní, kɛ yayami slɔɔtoslɔɔtohi. A jeɔ hunga, a pueɔ muɔ si, a pɛɔ, a sisiɔ nɔ, nɛ a toɔ a sibi a he ga yaya;

Somi He Ɔ

²⁹ A hyi tɔ kɛ ni yayamihi, yiwitso, hɛ tsumi, yayami; a hyi tɔ kɛ nyɛmi, awi yemi, pɛ, sisimi, nihi a he munyu tumi;

Romabi 1:29 ပူးပေါင်းရင်းမြစ်များ

La 41:7

Nihi tsuo nɛ sume mi ɔ, a kɛ a sibi tuɔ ye he munyu kusikusi. A susuɔ ye he yayami.

Abɛ Womi 16:28

Nimli yayamihi woɔ pɛ; siekutsɛmɛ puɛɔ huɛmɛ kpakpahi a kpɛti.

Abɛ Womi 26:20

Ke lɛ́ be la tɛ mi ɔ, la gboɔ; he nɛ siekutsɛ be ɔ, pɛ se poɔ.

Mateo 5:32

Se imi lɛɛ i ngɛ nyɛ dee ke, ke nɔ ko fie e yo nɛ pi kaa yo ɔ ya bɔ ajuama a, e ha nɛ yo ɔ puɛ gba. Ke nɔ ko fie e yo ɔ, nɔ kpa nɛ ya ngɔ yo nɛ ɔ, lɛ hu e puɛ gba.

Romabi 3:10

Kaa bɔ nɛ ngmami ɔ deɔ ɔ, “Nɔ ko nɔ ko be nɛ da; nɔ kake ngmelu po be.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

1 Timoteo 3:11

Sɔmɔli yi ɔmɛ hu ja nɔuu a pee nihi nɛ tsuɔ ní kɛ hɛdɔ, nɛ a ko ye sieku. A pee nihi nɛ a hɛ ka si, nɛ a yeɔ anɔkuale ngɛ nɔ́ tsuaa nɔ́ mi.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.