Romabi 1:28 - BAIBLO ALOO NGMAMI KLƆUKLƆU Ɔ

²⁸ Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Somi He Ɔ

²⁸ Nɛ kaa bɔ nɛ a bui kaa e sa kaa a leɔ Mawu ngɛ a ni lemi mi ɔ, Mawu hu ngmɛɛ a he ha juɛmi nɛ sɛ, konɛ a pee nihi nɛ sɛ.

Romabi 1:28 ပူးပေါင်းရင်းမြစ်များ

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Samuel II, 22:27

Nihi nɛ a he tsɔ ɔ, o tsɔɔ mɛ kaa o he tsɔ; se ni nɛmɛ nɛ a yi mi wa lɛɛ o kɛ mɛ toɔ ní.

La 69:27

Gbla a tue sisiisi ngɛ a tɔmi ɔmɛ a he; koo ngɔ ekoeko kɛ pa mɛ kɔkɔɔkɔ.

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

Abɛ Womi 1:29

Ejakaa nyɛ bui nile he akɔtaa; Yawɛ hu, nyɛ yi lɛ gbeye.

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Abɛ Womi 17:16

Mɛni se kuasia ma na ke e maa hɛɛ sika kɛ ya he nile, be mi nɛ e be juɛmi?

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Yeremia 6:30

A ma tsɛ mɛ ke dade fi, ejakaa imi Yawɛ, i kua mɛ.”

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Ezekiel 14:5

Kɛkɛ ɔ, Israel ma a tsuo nɛ a kɛ amaga jami tsɔ a he kɛ je ye he ɔ, ma ha a maa kpale kɛ ba ye ngɔ ekohu kɛ a tsui tsuo.

Ezekiel 20:25

“Lɔ ɔ he ɔ, imi hu i ha mɛ blɔ nya tomi yayahi, kɛ mlaahi nɛ ke nɔmlɔ ye nɔ ɔ, e yi be wami nae.

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Ni Tsumi 17:23

Ejakaa benɛ i nyɛɛ nyɛ ma a mi kɛ bee ɔ, i hyɛ níhi nɛ nyɛ jaa a. I na bɔ sami la tɛ ko nɛ a ngma ngɛ nɔ ke, ‘Mawu nɛ a li lɛ ɔ nɔ́.’ Lɔ ɔ he ɔ, nɔ nɛ nyɛ li lɛ, se kɛ̃ ɔ, nyɛ jaa lɛ ɔ, lɛ nɔuu e he sane i ngɛ fiɛe kɛ ngɛ nyɛ tsɔɔe ɔ nɛ.

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Romabi 1:24

Lɔ ɔ he ɔ, Mawu ngmɛɛ a he, nɛ a ya nyɛɛ akɔnɔ yaya nɛ ngɛ a tsui nɔ ɔ se; nɛ a kɛ a sibi tsu mu níhi kɛ pue a nɔmlɔ tso ɔ hɛ mi si.

Romabi 1:26

Enɛ ɔ he je ɔ, Mawu ngmɛɛ a he, nɛ a ya nyɛɛ akɔnɔ ní yayahi nɛ ngɛ zo a se. A yi ɔmɛ tete po kɛ a sibi peeɔ níhi nɛ pi ja nɛ Mawu to.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Efesobi 5:4

E sɛ kaa yakayaka munyu, loo kuasiahi a munyu, loo fɛu yemi munyu nɛ sɛ́ jeɔ nyɛ nya. Se mohu nyɛɛ na Mawu si ngɛ nɔ́ nɛ e pee ha nyɛ ɔ he.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

2 Timoteo 3:8

Kaa bɔ nɛ Yane kɛ Yambre te si kɛ wo Mose ɔ, ja nɔuu nɛ kikɛmɛ a nimli nɛ ɔmɛ hu te si kɛ ngɛ anɔkuale ɔ nya tsie. Kikɛmɛ a nimli nɛ ɔmɛ nɛ a juɛmi mi kuɔ we ɔ, a hemi kɛ yemi hu gbo.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Filemon 1:8

Enɛ ɔ he je ɔ, jinɛ kaa o nyɛmi ngɛ Kristo mi ɔ, i ngɛ he blɔ nɛ ma nyɛ o nɔ, nɛ o pee nɔ nɛ sa.

2 Petro 3:5

A jeɔ blɔ peeɔ kaa a li kaa blema lokoo ɔ, munyu kɛkɛ lɛ Mawu tu, nɛ hiɔwe kɛ zugba ba, kaa a je zugba kɛ je nyu mi, nɛ nyu a kɛ bɔ zugba a.