Romabi 1:24 - BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, Mawu ngmɛɛ a he, nɛ a ya nyɛɛ akɔnɔ yaya nɛ ngɛ a tsui nɔ ɔ se; nɛ a kɛ a sibi tsu mu níhi kɛ pue a nɔmlɔ tso ɔ hɛ mi si.

Somi He Ɔ

²⁴ Akɛnɛ kuasiahi ji mɛ he je ɔ Mawu ngmɛɛ a he ngɛ a kɔnɔhi nɛ ngɛ tai ɔ mi, nɛ a kɛ mɛ nitsɛmɛ a he peɔ zo nihi.

Romabi 1:24 ပူးပေါင်းရင်းမြစ်များ

Mose III, 18:22

Nyumu kɛ nyumu kó na bɔmi kaa yo kɛ nyumu; a hĩɔ.

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

Ni Tsumi 14:16

Blema be ɔ mi ɔ, Mawu ngmɛ je ma amɛ blɔ nɛ a nyɛɛ bɔ nɛ mɛ nitsɛmɛ a suɔ.

Ni Tsumi 7:42

Lɔ ɔ he ɔ. Mawu je e hɛ ngɛ a nɔ, nɛ e ngmɛɛ a he kaa a ja dodoehi ngɛ hiɔwe kaa bɔ nɛ a ngma ngɛ gbali ɔmɛ a womi ɔ mi ke, ‘Nyɛ Israel ma, anɛ imi nɛ nyɛ sã lohwehi, kɛ niye ni bɔ ngɔ ha ngɛ nga a nɔ jeha nyingmi eywiɛ ɔ?

Romabi 6:12

Nyɛ ko ha nɛ yayami nɛ ye nyɛ nɔmlɔ tso nɛ gboɔ ɔ nɔ hu. Nyɛ ko di nɔmlɔ tso ɔ we akɔnɔ níhi a se.

1 Korintobi 6:13

Nɔ ko hu ma de ke, “Ngma ngɛ ha muklii, nɛ muklii hu ngɛ ha ngma.” Ee, se Mawu ma kpata nɔ́ enyɔ nɛ ɔmɛ tsuo a hɛ mi. Nɔmlɔ tso ɔ, pi nyumu kɛ yo yakayaka ní peemi nɛ e ngɛ kɛ ha; se mohu e ngɛ ngɛ Nyɔmtsɛ ɔ he. Nɛ Nyɔmtsɛ ɔ hu ngɛ ha nɔmlɔ tso ɔ.

1 Korintobi 6:18

Nyɛɛ tu yahomi nya fo. Yayami tsuaa yayami nɛ adesa peeɔ ɔ, pee we nɔmlɔ tso ɔ nɔ́ ko tsɔ. Se nɔ nɛ fiɛɔ yo kɛ nyumu yakayaka fiɛmi ɔ, yeɔ lɛ nitsɛ e nɔmlɔ tso ɔ awi.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

1 Tesalonikabi 4:4

E sa kaa nyɛ ti nɔ tsuaa nɔ nɛ le bɔ nɛ e maa ye e he nɔ ha nɛ nyɛ he ma tsɔ, nɛ bu maa hi nyɛ he.