Romabi 1:23 - BAIBLO ALOO NGMAMI KLƆUKLƆU Ɔ

²³ Mawu nɛ gbo we gblee ɔ, a wui e hɛ mi nyami bɔ nɛ sa kaa a peeɔ, se mohu a ya woɔ níhi nɛ a puɛ kaa nɔmlɔ adesa nɛ gboɔ ɔ, aloo lohwe pɛlitsɛmɛ, loo lohwe nane eywiɛɛywiɛtsɛmɛ, loo lohwehi nɛ sãã si mohu a hɛ mi nyami.

Somi He Ɔ

²³ Mawu nɛ puɛ we ɔ hɛ mi nyami ɔ a tsake ngɔ ha nɔmlɔ nɛ puɛɛ ɔ subai henɔ ko kɛ lohwe pɛlitsɛmɛ kɛ lohwe nane eywiɛ eywiɛtsɛmɛ kɛ waami nihi anɔ.

Romabi 1:23 ပူးပေါင်းရင်းမြစ်များ

La 106:20

A ngɔ amaga nɛ a pee kaa na nɛ yeɔ nga a kɛ tsake Mawu nitsɛ hɛ mi nyami ɔ.

Yesaya 40:18

Mɛnɔ he nyɛ maa ngɔ Mawu kɛ to mɔ? Nɛ mɛni subai nyɛɛ kɛ maa to e he?

Yesaya 40:26

Nyɛ wo nyɛ yi nɔ nɛ nyɛɛ hyɛ hiɔwe! Mɛnɔ lɛ bɔ dodoe ɔmɛ nɛ nyɛ ngɛ hyɛe ɔ? Nɔ nɛ jeɔ mɛ kpo kaa ta buli babauu, nɛ e kɛ eko tsuaa eko biɛ tsɛɔ lɛ ɔ! E he wami, kɛ nyɛmi kpetekpleenyɛ ɔ nya a, kake ngmelu po laa we.

Yesaya 44:13

Tso galɔ ngɔɔ kpa kɛ susuu tso, e ngɔɔ kadimi nɔ́ kɛ kadiɔ, nɛ e ngɔɔ ga dade kɛ hlɔɔ tso ɔ he kɛ peeɔ nɔ́ ko nɛ je nɔmlɔ; e ngɔɔ nɔ́ kɛ e he fɛu nɛ ɔ kɛ ya maa we mi.

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Ezekiel 8:10

Benɛ i sɛ tsu ɔ mi ɔ, i na nɛ a tɛni ní nɛ ɔmɛ ngɛ gbogbo ɔ he tsuo kɛ kpe: sinɔ slɔɔtohi babauu, lohwe nane eywiɛɛywiɛtsɛmɛ nɛ a hiee, kɛ Israel bi ɔmɛ a we amaga amɛ tsuo.

Ni Tsumi 10:12

Lohwe nane eywiɛɛywiɛtsɛmɛ, lohwehi nɛ waa, kɛ lohwe pɛlitsɛ slɔɔto ɔmɛ tsuo eko ngɛ mi.

Ni Tsumi 17:29

Ke Mawu bimɛ ji wɔ ɔ, e sɛ kaa wa susuu kaa Mawu su ngɛ kaa sika tsu, loo sika hiɔ, loo tɛ ko nɛ nɔmlɔ kɛ e ga, kɛ e juɛmi pee.

Romabi 1:25

Anɔkuale ɔ nɛ a le ngɛ Mawu he ɔ, a he we yi; lakpa níhi mohu a heɔ yeɔ. Níhi nɛ Mawu bɔ ɔ, lɔ ɔmɛ mohu a jaa, nɛ a sɔmɔɔ. Bɔlɔ ɔ nɛ sa kaa a je e yi kɛ ya neneene ɔ, a ja we lɛ, nɛ a sɔmɔ we lɛ hulɔ. Amen!

1 Korintobi 12:2

Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.

Mose V, 5:8

“ ‘Koo puɛ amaga ko, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ ko nɛ ngɛ nyu mi ngɛ zugba a sisi.

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.