Romabi 1:2 - BAIBLO ALOO NGMAMI KLƆUKLƆU Ɔ

² Mawu wo sane kpakpa a he si ngɔ to momoomo kɛ gu e gbali ɔmɛ a nɔ kaa bɔ nɛ a ngma ngɛ ngmami klɔuklɔu ɔmɛ a mi ɔ.

Somi He Ɔ

² Sane Kpakpa nɛ ɔ ɔ, Mawu wo he si ngɔ to momo kɛ gu e gbali ɔmɛ a nɔ ngɛ Ngmami Klɔuklɔu ɔmɛ a mi.

Romabi 1:2 ပူးပေါင်းရင်းမြစ်များ

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

Luka 1:70

E wo si blema lokoo kɛ gu e gbali klɔuklɔu ɔmɛ a nɔ

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

Romabi 3:21

Jehanɛ lɛɛ blɔ nɔ nɛ Mawu guu kɛ buu nɔ nɔ nɛ da a, e je tsɔɔ wɔ. Pi mlaa sane ji nɛ ɔ. Mose mlaa a, kɛ gbali ɔmɛ ye he odase.

Romabi 3:2

Ee, nɔ pomi he ngɛ se nami babauu ngɛ blɔ tsuaa blɔ nɔ. Kekleekle nɔ́ ji kaa a tu Mawu munyu ɔ ngɔ wo Yuda bi ɔmɛ a dɛ.

Ni Tsumi 10:43

Gbali ɔmɛ tsuo ye Yesu he odase, nɛ a de ke nɔ tsuaa nɔ nɛ ma he lɛ maa ye ɔ, a maa ngɔ e he yayami kɛ pa lɛ ngɛ Yesu biɛ mi.”

Ni Tsumi 26:6

Amlɔ nɛ ɔ, i daa si ngɛ hiɛ ɔ nɛ a ngɛ mi kojoe kaa si ko nɛ Mawu wo wa nɛmɛ ɔmɛ be ko ɔ, i heɔ yeɔ.

Mateo 1:22

A pee ní nɛ ɔmɛ tsuo, konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi. Nyɔmtsɛ ɔ ke,

Ni Tsumi 13:32

Wɔɔ lɛɛ wa hiɛ ɔ bami ɔ, sane kpakpa a wa ngɔ kɛ ma nyɛ hami. Si ko nɛ Mawu wo wa nɛmɛ ɔmɛ ɔ, e ye nɔ kɛ ha wɔ, a nina a. E tle Yesu si kɛ ba wami mi ekohu kaa bɔ nɛ a ngma ngɛ La enyɔne ɔ mi ke, ‘Ye Bi ji mo; mwɔnɛ ɔ, i fɔ mo ɔ.’