Romabi 1:11 - BAIBLO ALOO NGMAMI KLƆUKLƆU Ɔ

¹¹ Ejakaa ye hɛ ngɛ jae wawɛɛ ngɛ nyɛ he, nɛ i suɔ kaa ma na nyɛ, konɛ ma ba ha nyɛ mumi mi nike ní kɛ wo nyɛ he wami.

Somi He Ɔ

¹¹ Ejakaa ye hɛ ngɛ jae ngɛ nyɛ he, konɛ ikɛ mumi mi dloomi nike ni ɔ eko ba ha nyɛ, bene pee nɛ a kɛ wo nyɛ he wami.

Romabi 1:11 ပူးပေါင်းရင်းမြစ်များ

Mose I, 31:30

I le kaa o hɛ ngɛ jae ngɛ we he, nɛ lɔ ɔ he o je ɔ nɛ. Se mɛni he je o ju ye wɔ ɔmɛ kɛ je?”

Samuel II, 13:39

Se benɛ kɔɔhiɔ fia Amnon gbenɔ ɔ mi bɔɔ ɔ, David hɛ ja ngɛ Absalom he; nɛ e ná nɛ e na lɛ ekohu.

Samuel II, 23:15

David kɛ he hiami bi ke, “Mɛnɔ po ma ya yɛ nyu ngɛ vu ɔ nɛ ngɛ agbo ɔ kasa nya ngɛ Betlehem ma a mi ɔ ba ha mi nɛ ma nu?”

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

Ni Tsumi 16:5

Enɛ ɔ ha asafo ɔmɛ a hemi kɛ yemi mi ba wa, nɛ daa nɛ ɔ, nihi babauu ba piɛɔ a he.

Ni Tsumi 19:21

Ní nɛ ɔmɛ a se ɔ, Mumi Klɔuklɔu ɔ ha Paulo to e yi mi kaa e ma ya gu Makedonia, kɛ Akaya kɛ ya su Yerusalem. E de ke, “Ke i su lejɛ ɔ, ma ya slaa Roma hulɔ.”

Ni Tsumi 19:6

Paulo kɛ e nine pue a nɔ, kɛkɛ nɛ a na Mumi Klɔuklɔu ɔ. A tu munyu ngɛ gbihi nɛ a nui mi, nɛ a fiɛ Mawu sɛ gbi ɔ.

Romabi 1:12

I ngɛ tsɔɔe kaa i kɛ nyɛ tsuo waa ngɔ hemi kɛ yemi nɛ wa ngɛ ɔ kɛ wo wa sibi he wami.

Romabi 15:23

Se amlɔ nɛ ɔ nɛ i be nɔ́ ko peemi ngɛ hiɛ ɔ ni ɔmɛ a mi hu nɛ ɔ, ma ba su nyɛ ngɔ kaa bɔ nɛ i hla nɛ ma pee be babauu ji nɛ ɔ.

Romabi 15:29

I le kaa ke i ba nyɛ ngɔ ɔ, Kristo maa gbaa nyɛ babauu.

Romabi 15:32

Kɛkɛ ɔ, ke Mawu suɔ ɔ, i kɛ bua jɔmi maa ba nyɛ ngɔ nɛ ma ba jɔɔ ye he bɔɔ.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

2 Korintobi 1:15

Kikɛmɛ a ní nɛ ɔmɛ nɛ i le saminya a a he je nɛ i to ye yi mi kekle ɔ kaa ma ba slaa nyɛ, konɛ nyɛ na gbaami ɔ si enyɔ.

2 Korintobi 1:21

Mawu ji nɔ nɛ peeɔ waa kɛ nyɛ tsuo anɔkuale Kristo se nyɛɛli. Mawu nitsɛ lɛ hla wɔ ngɔ to,

2 Korintobi 11:4

Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

2 Korintobi 9:14

A kɛ suɔmi nɛ nya wa ma kpa Mawu pɛɛ ha nyɛ, ejakaa Mawu hu je suɔmi agbo nɛ hí kalemi kpo ha nyɛ.

Filipibi 1:8

Bɔ nɛ Kristo Yesu mi mi sãã lɛ ngɛ wa he ɔ, jã ye hɛ ngɛ jae wawɛɛ ngɛ nyɛ he; Mawu ji ye odase kaa i yi lakpa.

Filipibi 2:26

E hɛ ngɛ jae wawɛɛ ngɛ nyɛ tsuo nyɛ he, nɛ akɛnɛ nyɛ nu kaa e be he wami ɔ, e ngɛ tsui yee.

Filipibi 4:1

Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

1 Tesalonikabi 3:13

Nɛ e wo nyɛ he wami, nɛ nyɛɛ kɛ tsui nɛ he tsɔ nɛ ba nyɛ je mi bɔ nɛ piami ko be nyɛ he hie ngɛ wa Tsɛ Mawu ɔ hɛ mi be mi nɛ wa Nyɔmtsɛ Yesu kɛ e ni klɔuklɔu ɔmɛ tsuo maa ba a.

1 Tesalonikabi 3:2

Lɔ ɔ he ɔ, wa tsɔ Timoteo, wa nyɛmi nɛ waa kɛ lɛ tsuɔ ní kaa Mawu sɔmɔlɔ kɛ fiɛɔ Kristo he sane kpakpa a. Wa tsɔ lɛ, konɛ e ba wo nyɛ he wami, nɛ e ha nyɛ fi si ngɛ nyɛ hemi kɛ yemi ɔ mi,

2 Tesalonikabi 2:17

e wo nyɛ bua, nɛ e ha nyɛ he wami nɛ nyɛ tsu ní kpakpa, nɛ nyɛɛ tu munyu kpakpa daa.

2 Tesalonikabi 3:3

Se Nyɔmtsɛ ɔ yeɔ anɔkuale. E maa wo nyɛ he wami, nɛ e maa bu nyɛ he, nɛ dikalɔ ɔ be nyɛe maa pee nyɛ nɔ́ ko.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

1 Petro 5:12

I ngɛ nyɛ womi kpiti nɛ ɔ ngmae kɛ gu Silvano nɔ. I buu wa nyɛmi nɛ ɔ saminya kaa Kristo se nyɛɛlɔ nɛ yeɔ anɔkuale. I ngɛ nyɛ he wami woe, nɛ i ngɛ nɔ mi mae ngɛ dee ke Mawu dloomi nitsɛnitsɛ ji nɛ ɔ nɛ. Nyɛɛ pɛtɛ he wawɛɛ.

2 Petro 1:12

E ngɛ mi kaa nyɛ le kikɛmɛ a ní nɛ ɔmɛ momo, nɛ anɔkuale ɔ hu nyɛ pɛtɛ he lɛɛ, se kɛ̃ i to kaa ma ya nɔ ma hi nyɛ kaie ngɛ ní nɛ ɔmɛ a he.