Romabi 1:10 - BAIBLO ALOO NGMAMI KLƆUKLƆU Ɔ

¹⁰ I kpaa pɛɛ kaa alinɔ Mawu suɔmi nya a jehanɛ lɛɛ blɔ ma bli ha mi nɛ ma nyɛ ma ba nyɛ ngɔ.

Somi He Ɔ

¹⁰ I kpaa pɛɛ daa ngɛ ye sɔlemihi a mi, kaa alinɔ Mawu suɔmi nya a, hwɔɔ se ko ɔ, blɔ ma bli ha mi nɛ ma ba nyɛ ngɔ lo.

Romabi 1:10 ပူးပေါင်းရင်းမြစ်များ

Ni Tsumi 18:21

Benɛ a ngɛ sɛ yee ɔ, e de mɛ ke, “Ke Mawu suɔ ɔ, ma kpale kɛ ba nyɛ ngɔ ekohu.” Kɛkɛ nɛ e wó lɛ, nɛ e je Efeso.

Ni Tsumi 19:21

Ní nɛ ɔmɛ a se ɔ, Mumi Klɔuklɔu ɔ ha Paulo to e yi mi kaa e ma ya gu Makedonia, kɛ Akaya kɛ ya su Yerusalem. E de ke, “Ke i su lejɛ ɔ, ma ya slaa Roma hulɔ.”

Ni Tsumi 21:14

Wa nyɛ we nɛ wa tsake e yi mi tomi ɔ; lɔ ɔ he ɔ, nɔ́ nɛ wa nyɛ de kɛkɛ ji, “A pee nɔ́ nɛ Nyɔmtsɛ ɔ suɔ.”

Romabi 15:29

I le kaa ke i ba nyɛ ngɔ ɔ, Kristo maa gbaa nyɛ babauu.

1 Korintobi 1:1

Imi Paulo, nɛ Mawu suɔmi nya a, e tsɛ mi nɛ ma ba pee Yesu Kristo bɔfo ɔ, i kɛ wa nyɛmi Sostene lɛ wa ngma womi nɛ ɔ.

1 Korintobi 4:19

Ke Nyɔmtsɛ ɔ suɔ ɔ, e be kɛe nɛ ma ba slaa nyɛ. Ke i ba a, pi munyu nɛ kikɛmɛ a he nɔ woli nɛ ɔmɛ ngɛ tue ɔ kɛkɛ nɛ ma ba nu, se he wami nɛ a kɛ ngɛ ní tsue ɔ, ma ba na paa.

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

1 Tesalonikabi 2:18

Wa hla kaa waa kpale kɛ ba nyɛ ngɔ; ee, imi Paulo nitsɛ, i ka si abɔ kaa ma ba. Se Abosiami tsi wɔ blɔ.

Filemon 1:22

E piɛ nɔ́ kake; ma suɔ hu nɛ o dla nibwɔhi a to he ko kɛ ha mi. Ejakaa ye hɛ ngɛ nɔ kaa bɔ nɛ nyɛ kulaa nyɛ ngɛ kue fae ɔ, Mawu maa pee nɛ ma kpale kɛ ba nyɛ ngɔ ekohu.

Hebribi 13:19

I ngɛ nyɛ pɛɛ kpae nɛ nyɛɛ sɔle, konɛ a ha nɛ ma ba nyɛ ngɔ be kpiti mi.

Yakobo 4:15

Nɔ́ nɛ mohu nɛ sa nɛ nyɛ deɔ ji, “Ke Mawu suɔ nɛ wa yi na wami ɔ, wa maa pee enɛ ɔ, loo enɛ.”