Obadia 1:5 - BAIBLO ALOO NGMAMI KLƆUKLƆU Ɔ

⁵ “Ke juli ba jumi nyɔ mi ɔ, a muɔɔ níhi bɔ nɛ a ma nyɛ. Ke nihi bua wai yiblii nya a, a siɔ bɔɔ ko kɛ̃. Se o he nyɛli ɔmɛ lɛɛ, a kpata o nɔ́ tsuaa nɔ́ hɛ mi.

Obadia 1:5 ပူးပေါင်းရင်းမြစ်များ

Yeremia 49:9

Ke nihi ngɛ wai yiblii nya buae ɔ, anɛ a si we eko ngɛ tso ɔ nɔ lo? Ke juli ma jumi nyɔ mi ɔ, pi nɔ́ nɛ a ngɛ hlae ɔ pɛ nɛ a muɔɔ kɛ yaa lo?

Mose V, 24:21

Ke o bua o wai yiblii ɔmɛ a nya si kake ɔ, koo kpale o se nɛ o ya bua nya si enyɔne ngɛ he kake ɔ kɛ̃; si wai yiblii nɛ piɛ ɔ ha nibwɔhi, awusahi, kɛ yalɔyihi.

Yesaya 17:6

Nihi bɔɔ pɛ nɛ a yi ma na wami. Israel maa pee kaa oliv tso nɛ a kplɔ e nɔ yiblii tsuo: yiti je ɔ, yiblii enyɔ loo etɛ kɛkɛ lɛ maa hi tso kɔni ɔmɛ a he; sisi ɔ hu eywiɛ, loo enuɔ kɛkɛ. Imi Yawɛ, Israel Mawu ɔ lɛ i de.”

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

Mika 7:1

Akuanyɛ! I pee kaa nɔ ko nɛ hwɔ gbe lɛ, nɛ e nɛ tso yiblii ko ngɛ tso ɔmɛ a nɔ, aloo wai yiblii ko ngɛ wai tso ɔmɛ a nɔ nɛ e ye. A kplɔ wai yiblii ɔmɛ, kɛ ngmɔkɔ nganangana amɛ tsuo ta.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Yeremia 50:23

Babilonia, hamle ngua a nɛ ngɛ je ɔ tsuo ywiae dukuduku ɔ, hyɛ bɔ nɛ lɛ hu a ku lɛ ngɔ pue si mwɔnɛ nɛ ɔ! Kɛ ba lɛ kɛɛ loko Babilonia ba plɛ pee ma doku ngɛ je ma amɛ a kpɛti ɔ?

Yesaya 24:13

Nɔ́ nɛ maa ba je ma amɛ tsuo a nɔ ji nɛ ɔ nɛ. Nɔ́ tsuaa nɔ́ maa ta kaa bɔ nɛ ke a kpa ngmɔ nɔ ní ta, nɛ a kplɔɔ wai yiblii tsuo pɛpɛɛpɛ taa tso ɔmɛ a nɔ nɛ wai yiblii kake po piɛ ɔ.

Yesaya 14:12

“Babilonia matsɛ, mo nɛ́ o ngɛ kaa nɔkɔ nɛ kpɛɔ hleii makɛ ɔ, o je hiɔwe ba nɔ si bum! Be ko nɛ be ɔ, o ye mahi a nɔ kunimi, se jehanɛ lɛɛ a tsɛ̃ mo ko si.

Samuel II, 1:19

“A gbe wa ta hɛ mi nyɛɛli ɔmɛ ngɔ pue Israel yo ɔmɛ a nɔ. Wa ta buli kpanaa amɛ gbo!

Kpojemi 18:10

A maa da si ngɛ se lokoo, ejakaa a maa ye gbeye kaa a maa gbla a kɛ Babilon tsuo a tue. A ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Ngmlɛfia kake too mi ɔ, hyɛ bɔ nɛ gbla o tue ha!”

Yeremia 6:9

Yawɛ Tabohiatsɛ ɔ de mi ke, “Haomi maa ba Israel bi ɔmɛ a nɔ nɔtonɔto kɛ yaa si a ma tsake. Ke wai nya bualɔ kplɔ wai ta tso mi ɔ, e ngɔɔ e nine kɛ kplaa tso ɔ mi kɛ hyɛɛ kaa wai ɔmɛ tsuo ta lo. Lɔ ɔ he ɔ, he ni nɛmɛ nɛ piɛ ɔ a yi wami loko be yayami ɔ nɛ ba.”

Obadia 1:9

Sawale maa nu Teman ta hwuli kpanaa amɛ, nɛ a maa gbe Edom ta bulɔ tsuaa ta bulɔ.” Mawu lɛ de.