Obadia 1:3 - BAIBLO ALOO NGMAMI KLƆUKLƆU Ɔ

³ O he nɔ womi ɔ sisi mo. O matsɛ ma a, a fia gbogbo kɛ wo he ngɛ tɛ sa nɔ; o hi he ngɛ yo ɔmɛ a nɔ tsitsaa, lɔ ɔ he ɔ, o deɔ ngɛ o yi mi ke, ‘Mɛnɔ po ma nyɛ maa gbla mi kɛ ba zugba?’

Obadia 1:3 ပူးပေါင်းရင်းမြစ်များ

Mose I, 36:8

Enɛ ɔ he je ɔ, Esau hia kɛ ya hi Edom yo ɔ nɔ.

Matsɛmɛ II, 14:7

Amazia gbe Edom ta buli akpe nyɔngma ngɛ Ngo kɔ̃ ɔ mi. E kpɔ Sela ma a ngɛ ta mi, nɛ e wo lɛ biɛ ke Yokteel; nɛ ja a tsɛɛ ma nɛ ɔ kɛ ba si mwɔnɛ ɔ.

Kronika II, 25:11

Jehanɛ, Amazia ba na he wami he, nɛ e nyɛɛ e ma a hɛ mi kɛ ya Ngo kɔ̃ ɔ mi. A kɛ Edom bi ɔmɛ ya hwu ta ngɛ lejɛ ɔ, nɛ a gbe Edom ta buli akpe nyɔngma,

Kronika II, 25:12

nɛ a nuu a ti nihi akpe nyɔngma hu hɛ ngmengmle. A ngɔ ni nɛmɛ nɛ a nuu hɛ ngmengmle ɔ kɛ ya tɛ sa ko yi mi ngɛ Sela ma a mi, nɛ a tsitsɛɛ a yi se kɛ wo kɔ̃ ɔ mi, nɛ tɛ sa amɛ tsɔtslɔɔ a mi dukuduku.

Hiob 20:6

Ke e nɔ kuɔ kɛ ya su hiɔwe, nɛ e yi ya pi bɔku po,

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Abɛ Womi 18:12

Nɔ nɛ baa e he si ɔ, a maa wo e hɛ mi nyami; ni nɛmɛ nɛ woɔ a he nɔ ɔ, mɛɛ lɛɛ hɛ mi kpatami blɔ nɔ a ngɛ.

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Yesaya 16:6

Yuda bi ɔmɛ ma he nɔ ke, “Wa nu kaa Moab bi ɔmɛ woɔ a he nɔ wawɛɛ; a peeɔ pupuupu, nɛ a bui nɔ, se a fiami ɔ ya peeɔ nya mi gu fiami.”

Yeremia 21:13

Mo Yerusalem, o maa si piɔpiɔɔpiɔ ngɛ kɔ̃ ɔmɛ a mi kaa tɛ sa ngɛ nga kplanaa nɔ. Se i kɛ mo maa to ní. O deɔ ke nɔ ko be nyɛe ma ba tua mo, nɛ nɔ ko be nyɛe maa sɛ o mɔ ɔmɛ a mi.

Yeremia 37:9

Imi Yawɛ i ngɛ nyɛ dee ke nyɛ ko sisi nyɛ he; nyɛ ko susu kaa Babilonia bi ɔmɛ be kpalee kɛ ba hu. A maa ba kokooko!

Yeremia 48:28

“Nyɛ Moab bi, nyɛɛ je nyɛ ma amɛ a mi! Nyɛɛ ho nɛ nyɛ ya hi tɛ sa amɛ a mi! Nyɛɛ pee nyɛ ní kaa okpohi nɛ a maa tsu ngɛ puɔhi a mi ngɛ kɔ̃ he ɔ.

Yeremia 49:16

O he nɔ womi ɔ sisi mo. Nɔ ko nɔ ko pa yi mo gbeye hu kaa bɔ nɛ o susuu ɔ. O hi he ji tɛ sa amɛ a kpɛ, ngɛ yo ɔmɛ a yi mi. E ngɛ mi kaa o hi he ngɛ hiɔwe lokoo kaa kɔle hi he mohu, se kɛ̃ Yawɛ ma je mo kɛ je lejɛ ɔ, nɛ e maa ba mo si. Yawɛ lɛ de.”

Yeremia 49:4

Nyɛ nihi nɛ nyɛ je Mawu se, mɛni he je nyɛ ngɛ fĩae? Nyɛ he wami ɔ ta. Mɛni he je nyɛ ngɔ nyɛ hɛ ngɔ fɔ nyɛ sika nɔ, nɛ nyɛ deɔ ke nɔ ko nɔ ko be nyɛe nɛ e ba tua nyɛ ɔ?

Ezekiel 28:16

Be nɛ jua yemi ba ngɛ nɔ yae ɔ, amimi yemi hu ba hyi o mi tɔ, nɛ o pee yayami. Lɔ ɔ he ɔ, i ha o je ye yo klɔuklɔu ɔ nɔ; nɛ Mawu bɔfo nɛ bu o he ɔ fie mo kɛ je tɛ ɔmɛ nɛ ngɛ kpɛe kɛ la nylamnylam ɔ a kpɛti.

Malaki 1:4

Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”