Obadia 1:19 - BAIBLO ALOO NGMAMI KLƆUKLƆU Ɔ

¹⁹ “Nihi nɛ je Yuda leneyi je ɔ maa ngɔ Edom; ni nɛmɛ nɛ je bonyoku je yoku ɔmɛ a nɔ ɔ maa ngɔ Filisti bi ɔmɛ a zugba a. A maa ngɔ Efraim kɛ Samaria zugba amɛ; nɛ Benyamin wɛtso ɔ maa ngɔ Gilead.” Mawu lɛ de.

Obadia 1:19 ပူးပေါင်းရင်းမြစ်များ

Amos 9:12

Nɛ nyɛ Israel bi, nyɛ maa ngɔ Edom zugba nɛ piɛ ɔ, kɛ je mahi tsuo nɛ nyɛ ye a nɔ sa be ko kɛ ha mi ɔ.” Bɔ nɛ Yawɛ de ji nɛ ɔ nɛ, nɛ nɔ́ nɛ e to nɛ e maa pee ɔ hu ji nɛ ɔ nɛ.

Yeremia 32:44

Nihi maa ngɔ a sika kɛ ba he zugba. A kɛ a nine maa wo womihi nɛ a maa pee ngɛ zugba amɛ a he ɔ a sisi; a maa sɔu womi ɔmɛ a nya, nɛ a ma tsɛ nihi nɛ a ba ye odase. A maa pee nɔ́ nɛ ɔ ngɛ Benyamin zugba a nɔ; a maa pee ngɛ kɔpehi nɛ bɔle Yerusalem ɔ a mi, a maa pee ngɛ Yuda ma amɛ a mi; a maa pee ngɛ yo nɔ ma amɛ a mi; nɛ a maa pee ngɛ nga nɔ ma amɛ, kɛ leneyi je ma amɛ hu a mi. Imi, Yawɛ lɛ i de.”

Ezekiel 36:28

Jehanɛ zugba a nɛ i ngɔ ha nyɛ nɛmɛ ɔmɛ ɔ, nyɛ maa hi nɔ. Nyɛ maa pee ye ma, nɛ imi hu ma pee nyɛ Mawu.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

Ezekiel 25:16

Lɔ ɔ he ɔ, i ngɛ dee ke, i kɛ Filisti bi ɔmɛ maa to ní; ma tua mɛ, nɛ ma kpata a hɛ mi pɛsɛpɛsɛ; Keret bi ɔmɛ, kɛ nihi tsuo nɛ ngɛ wo nya ma amɛ a mi ɔ be a he yee.

Yeremia 49:1

Bɔ nɛ Yawɛ de ngɛ Amon he ji nɛ ɔ nɛ: “Jije Israel nyumu ɔmɛ ngɛ? Anɛ nɔ ko be nɛ ma fa a zugba a he lo? Mɛni he je mɔ nɛ a ngmɛɛ Gad bi ɔmɛ a zugba a he ngɔ ha Milkom jali ɔmɛ nɛ a ba ngɔ zugba a kɛ pee a nɔ́ ɔ?

La 69:35

Ejakaa Mawu ma he Yerusalem yi wami, e maa pee Yuda ma amɛ ehe ekohu. E tsɔli ɔmɛ maa hi lejɛ ɔ, nɛ zugba a maa pee a nɔ́.

Ezra 4:17

Matsɛ ɔ ha mɛ womi ɔ heto ke, “Amlaalo Rehum, ma pɛdiyo Shimshai, kɛ nyɛ huɛmɛ nɛ ngɛ Samaria, kɛ nihi nɛ ngɛ kpokpa amɛ a nɔ ngɛ Yufrate pa a se, nyɛ he manye!

Ezra 4:2

a ba na Zerubabel, kɛ we puɔ nya dali ɔmɛ, nɛ a de mɛ ke, “Nyɛ ha nɛ waa piɛ nyɛ he kɛ ma Mawu we ɔ, ejakaa Mawu kake ɔ nɛ nyɛ jaa a, lɛ wɔ hu wa jaa. Kɛ je Asiria matsɛ, Esarhadon nɛ ngɔ wɔ kɛ ba hiɛmɛ nɛ ɔ yi nɔ ɔ, lɛ ji Mawu nɛ wa jaa nɛ wa sãã bɔ kɛ haa.”

Kronika I, 5:26

Enɛ ɔ he je ɔ, Israel Mawu ɔ ha nɛ Asiria matsɛ, Pul (nɛ e biɛ kpa ji Tiglat Pileser a) ba tua a ma a. Tiglat Pileser nuu Ruben, Gad, kɛ Manase wɛtso fa a mi bi ɔmɛ kɛ ya to Hala, Habor, Hara, kɛ Gozan pa a nya. Nɛ lejɛ ɔ ji he nɛ a ngɛ kɛ ba si mwɔnɛ ɔ.

Matsɛmɛ II, 17:24

Asiria matsɛ ɔ ya ngɔ nihi kɛ je Babilon, Kut, Ava, Hamat, kɛ Sefarvaim kɛ ba wo Samaria ma amɛ a mi ngɛ Israel bi ɔmɛ a nane mi. Mɛ hu a ngɔ Samaria ngɔ pee a nɔ, nɛ a hi ma amɛ a mi.

Yoshua 15:33

Nga kplanaa a nɔ ma amɛ ji: Eshtaol, Zora, Ashna,

Yoshua 15:21

Yuda bi ɔmɛ a wɛtso ɔ na ma nɛ ɔmɛ ngɛ leneyi je tsitsaa ngɛ Edom huzu ɔ kasa nya. Ma amɛ ji: Kabzeel, Eder, Yagur,

Yoshua 13:31

Gilead ma a fa, kɛ Ashtarot kɛ Adrei ngɛ zugba nɛ a ngɔ kɛ ha Manase wɛtso fa a mi. Ma nguahi nɛ ngɛ Bashan matsɛ, Og nɔ yemi he ɔ ji ma nɛ ɔmɛ. A ngɔ ma nɛ ɔmɛ tsuo ngɔ ha Manase binyumu Makir nina fa a we puɔ nya we puɔ nya.

Yoshua 13:25

A zugba ji Yazer kɛ Gilead ma amɛ tsuo, kɛ Amon bi ɔmɛ a zugba a fa, kɛ ya su Aroer ngɛ Raba beleku je.