Obadia 1:18 - BAIBLO ALOO NGMAMI KLƆUKLƆU Ɔ

¹⁸ “Yakob we ɔ maa pee kaa la; Yosef we ɔ maa pee kaa la lilɛ. Nɛ a maa sã Esau we ɔ kaa a sãã blɛfo tso gbigbli. Esau nina ko be piɛe.” Imi, Yawɛ lɛ i de.

Obadia 1:18 ပူးပေါင်းရင်းမြစ်များ

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Yesaya 10:17

Mawu nɛ ji la kɛ ha Israel ɔ ma mle. Mawu klɔuklɔu ha Israel ɔ ma mle kɛ la, nɛ ligbi kake too mi ɔ, e maa sã nɔ́ tsuaa nɔ́; e maa sã mio ɔmɛ, kɛ mio tso ɔmɛ tsuo.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Ezekiel 37:19

de ke, imi Nyɔmtsɛ Yawɛ, ma ngɔ tso ɔ nɛ daa si ha Israel ɔ, kɛ nɔ́ nɛ daa si ha Yuda a kɛ bla. Ma ngɔ tso enyɔ nɛ ɔmɛ ngɔ pee tso kake ngɛ ye dɛ mi.

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

1 Korintobi 3:12

Ni komɛ maa ngɔ sika tsu, loo sika hiɔ, loo tɛ nɛ he jua wa kɛ fia sisi tomi ɔ nɔ; ni komɛ hu maa ngɔ tso, loo gla, loo nga kɛ pee.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Obadia 1:16

“Ye we bi ɔmɛ na nɔ ngɛ yo klɔuklɔu ɔ nɔ. Se je ma amɛ nɛ bɔle mɛ ɔ, maa na nɔ kulaa pe mɛ, nɛ a maa ta zugba a nɔ.” Mawu lɛ de.

Amos 6:6

Nyɛ nuɔ dã bami ngɛ tsimi agboagbohi a mi, nɛ nyɛ kpaa nu je via kpakpahi. Se nyɛ yi kɔmɔ kaa a ma kpata Israel hɛ mi.

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Yoel 2:5

A maa tuu ngɛ yo ɔmɛ a nɔ, nɛ a nane si maa hi pɛe kaa ta zugba lɛhi; nɛ ke a ngɛ ní kpee ɔ, e maa pɛ kaa nga nɛ ngɛ sãe. A maa to slɛnɛɛ kaa tabo ngua ko nɛ gba ta kɛ ma.

Ezekiel 37:16

E ke, “Nɔmlɔ adesa, yaa ngɔ tso, nɛ o ngma ngɛ nɔ ke, ‘Yuda nɔ yemi ɔ.’ Lɔ ɔ se ɔ, yaa ngɔ tso kpa nɛ o ngma ngɛ nɔ ke ‘Israel nɔ yemi ɔ.’

Yesaya 47:14

“A maa pee kaa nga gbigbli, nɛ la maa sã mɛ! A be nyɛe ma he mɛ nitsɛmɛ a yi wami; la lilɛ ɔmɛ maa sã mɛ. Pi la kulɔɔ nɛ a hluiɔ ji nɛ ɔ; pi la nɛ a hii he.

Yesaya 31:9

A matsɛ ɔ kɛ sawale maa tu fo kɛ je, nɛ ma nimeli ɔmɛ hu maa ye gbeye wawɛɛ nitsɛ, nɛ a maa ma fo kɛ je a ta aflangaa amɛ a he.” Yawɛ lɛ de. Lɛ ji Yawɛ nɛ a jaa lɛ ngɛ Yerusalem, nɛ a kɛ la sãã bɔ haa lɛ ngɛ lejɛ ɔ nɛ.

Samuel II, 19:20

I le kaa i pee yayami; nɛ enɛ ɔ he je nɛ imi ji kekleekle nɔ nɛ je omleyi je wɛtso ɔmɛ nɛ ji Yosef we ɔ mi kɛ ma mo nɛnɛ kpeemi mwɔnɛ ɔ nɛ.”

Yesaya 9:18

Ma a yi wu tso ní peemi ɔ nya wa kaa la nɛ ngɛ mio tso hue, kɛ miohi sãe. E ngɛ tsoe kaa hue nɛ ngɛ sãe, nɛ la su ku ngɛ jee titiiti kɛ yaa hiɔwe.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Yeremia 11:23

Be nɛ ma ngɔ amanehlu kɛ ba Anatot bi ɔmɛ a nɔ ɔ, i to momo. Ke jamɛ a be ɔ su ɔ, a ti nɔ ko nɔ ko he be mi jee.”

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mose II, 5:12

Lɔ ɔ he ɔ, ma a gbɛ fĩa Egipt zugba a tsuo nɔ nɛ a ya ngɛ go nya buae nɛ a kɛ pee nga kɛ ha bliikisi ɔ sami.