Obadia 1:17 - BAIBLO ALOO NGMAMI KLƆUKLƆU Ɔ

¹⁷ “Se a ma he ni komɛ a yi wami ngɛ Zion yo ɔ nɔ, nɛ lejɛ ɔ maa pee klɔuklɔu. Yakob we ɔ nine maa su a blɔ fa mi ní ɔmɛ a nɔ ekohu.” Mawu lɛ de.

Obadia 1:17 ပူးပေါင်းရင်းမြစ်များ

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Amos 9:8

Imi Nyɔmtsɛ Yawɛ, ye hɛngmɛ ngɛ Israel, ma nɛ peeɔ yayami nɛ ɔ hyɛe. Ma kpata nyɛ hɛ mi pɛsɛpɛsɛ, nɛ ma bɛɛ nyɛ kɛ maa je je ɔ mi. Se kɛ̃ ɔ, i be Yakob nina a tsuo a hɛ mi kpatae. Imi, Yawɛ lɛ i de.

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

Yoel 3:17

“Israel, jamɛ a be ɔ mi nɛ o ma na maa le kaa imi ji Yawɛ, o Mawu ɔ nɛ. I hii Zion yo klɔuklɔu ɔ nɔ. Yerusalem maa pee ma klɔuklɔu; nibwɔhi be nyɛe ma ba tua ma a gblegbleegble hu.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yeremia 46:28

Ye ma, nyɛ tsui ko po, ejakaa i kɛ nyɛ ngɛ. Je ma amɛ, hehi nɛ i fie nyɛ kɛ ho ɔ, ma kpata mɛ tsuo a hɛ mi; se nyɛɛ lɛɛ i be nyɛ hɛ mi kpatae. Se kɛ̃ ɔ, i be hae nɛ nyɛɛ ye nyɛ he kulaa; ma gbla nyɛ tue bɔ nɛ sa kɛkɛ. Imi, Yawɛ lɛ i de.”

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Yesaya 1:27

Akɛnɛ dalɔ ji Yawɛ he je ɔ, e ma he Yerusalem yi wami, nɛ nɔ tsuaa nɔ nɛ ngɛ lejɛ ɔ nɛ ma tsake e tsui hu, a ma he e yi wami.

Zakaria 8:3

Ma kpale kɛ ba Zion, nɛ ma ba hi Yerusalem. Jehanɛ lɛɛ a ma tsɛ ma a ke ma nɛ yeɔ anɔkuale; nɛ a ma tsɛ Yawɛ Tabohiatsɛ yo ɔ ke yo klɔuklɔu.

Yeremia 44:28

Se nyɛ ti nihi bɔɔ ko kɛ̃ a he maa je mi, nɛ a maa kpale kɛ je Egipt zugba a nɔ kɛ ya Yuda zugba a nɔ. Jamɛ a be ɔ loko nihi nɛ a yi na wami ɔ maa le kaa imi lɛ ye munyu ba mi, aloo mɛ.

Yeremia 44:14

Yuda bi nɛ piɛ, nɛ a ho Egipt ya nɛ a ya hi lejɛ ɔ, a ti nɔ ko he be mi jee, nɛ nɔ ko yi be wami nae. Yuda zugba a nɛ a ko suɔ nɛ a ba hi mi ekohu ɔ, a ti nihi bɔɔ kɛkɛ lɛ a maa kpale kɛ ba lejɛ ɔ; pi mɛ tsuo.”

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

La 69:35

Ejakaa Mawu ma he Yerusalem yi wami, e maa pee Yuda ma amɛ ehe ekohu. E tsɔli ɔmɛ maa hi lejɛ ɔ, nɛ zugba a maa pee a nɔ́.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.

Yesaya 65:9

Ma ha Yakob nina babauu. Ma ha Yuda bi ɔmɛ ma ba hi yo ɔmɛ a nɔ; lejɛ ɔ tsuo maa pee ye sɔmɔli nɛ i hla nɛ ɔ a nɔ́.

Yeremia 31:23

Yawɛ Tabohiatsɛ, Israel Mawu ɔ ke “Ke i kpale ma a kɛ ba mɛ nitsɛmɛ a zugba a nɔ ekohu ɔ, a ma de ngɛ Yuda zugba a nɔ, kɛ ma amɛ a mi ekohu ke, ‘Yawɛ nɛ gbaa Yerusalem yo klɔuklɔu ɔ, he nɛ lɛ Yawɛ nitsɛ hii ɔ.’

Ezekiel 36:12

Ye ma Israel, ma kpale nyɛ kɛ ba zugba a nɔ, nɛ nyɛ ma ba hi lejɛ ɔ ekohu. Zugba a maa pee nyɛ nitsɛmɛ nyɛ nɔ́, nɛ nyɛ bimɛ hu i be hae nɛ a ma gbo gblegbleegble.

Daniel 7:18

Se nyagbe ɔ, Hiɔwe No ɔ we ni klɔuklɔu ɔmɛ a nine maa su matsɛ yemi ɔ nɔ, nɛ a maa ye matsɛ kɛ maa ya neneene.”

Yoel 3:5

Nyɛ muɔ ye sika tsu, ye sika hiɔ, kɛ ye juetli kpakpa amɛ kɛ ya wo nyɛ jami he ɔmɛ.