Obadia 1:14 - BAIBLO ALOO NGMAMI KLƆUKLƆU Ɔ

¹⁴ E sɛ kaa o ya daa blɔ gbla nya nɛ o kpataa nihi nɛ ngɛ fo tue ɔ a hɛ mi. E sɛ kaa o kɛ ni nɛmɛ nɛ piɛ ngɛ se ɔ haa a he nyɛli ngɛ a fimi ligbi nɔ.

Obadia 1:14 ပူးပေါင်းရင်းမြစ်များ

Obadia 1:12

Amanehlu nɛ o nyɛmimɛ Yuda bi ɔmɛ na a, e sɛ nɛ o bua jɔɔ he. E sɛ kaa o naa bua jɔmi ngɛ ligbi nɛ a kpata a hɛ mi ɔ nɔ. E sɛ nɛ o tuɔ he nɔ womi munyu ngɛ a haomi ligbi ɔ nɔ.

Amos 1:9

Yawɛ ke, “Tiro ma mi bi ɔmɛ pee yayamihi nɔtonɔto babauu. A jua kɔpehi babauu a mi bi kaa nyɔguɛhi kɛ ha Edom bi, nɛ kake peemi somi nɛ ngɛ nyɛmi kɛ nyɛmi a kpɛti ɔ, a yi nɔ. Enɛ ɔ he je ɔ, ja i gbla a tue kokooko.

Amos 1:6

Yawɛ ke, “Gaza ma mi bi ɔmɛ pee yayamihi nɔtonɔto babauu; a nuu kɔpehi fuu a mi bi kɛ ho, nɛ a ya jua mɛ kaa nyɔguɛhi kɛ ha Edom bi. Enɛ ɔ he je ɔ, ja i gbla a tue kokooko.

Yeremia 30:7

Ligbi ko ma nɛ ngɛ gbeye; ligbi nɛ ɔ eko bɛ hyɛ. E ji amanehlu be kɛ ha Yakob nina, ye ma a, se kɛ̃ ɔ, a yi ma na wami.”

Yesaya 37:3

Sɛ gbi nɛ e ha mɛ kɛ ya ha Yesaya a ji, “Mwɔnɛ ligbi nɛ ɔ, wa yi fi; a jɛ wɔ, nɛ a pue wa hɛ mi si. Wa pee kaa yo nɛ nu kɔɔmi, se e be he wami nɛ e kɛ maa kɛ̃ bi ɔ kɛ je kpo.

La 31:8

O ngɔɛ mi kɛ wui he nyɛli a dɛ mi; o ha mi he jɔmi, nɛ i yaa he tsuaa he nɛ i suɔ.

Mose I, 35:3

Wa ngɛ hiɛ ɔ jee kɛ yaa Betel. Ma ma bɔ sami la tɛ ngɛ lejɛ ɔ ha Mawu ɔ nɛ piɛ ye he ngɛ ye amanehlu be ɔ mi, nɛ e kɛ mi ngɛ kɛ ba si mwɔnɛ nɛ ɔ.”

Mateo 22:9

Lɔ ɔ he ɔ, nyɛɛ ya magbɛ ɔmɛ a nɔ, nɛ nihi abɔ nɛ nyɛ maa na a, nyɛɛ kpee mɛ kɛ ba yo kpeemi okplɔɔ ɔ he.’

Yesaya 16:3

A de Yuda bi ɔmɛ ke, “Wa ngɛ nyɛ dɛ mi; nyɛɛ wo wɔ ga koo. Wa maa hi nyɛ ngɔ nɛ nyɛɛ baa wa yi kaa bɔ nɛ tso woɔ hɔ kudɔɔ ngɛ e sisi piani katakata a. Pe a fie wɔ, lɔ ɔ he ɔ, nyɛɛ ngɔ wɔ ngɔ to; nyɛ ko tsɔɔ wa se blɔ.

Yesaya 16:4

Nyɛɛ baa wa yi, nyɛ ha waa hi nyɛ ngɔ, nɛ nyɛ ko ngɔ wɔ kɛ wo nihi nɛ ngɛ hlae nɛ a kpata wa hɛ mi ɔ a dɛ mi.” Yi mi wami, kɛ hɛ mi kpatami se maa po, nɛ ni nɛmɛ nɛ a ngɛ zugba a hɛ mi kpatae ɔ be si hie hu.