Obadia 1:12 - BAIBLO ALOO NGMAMI KLƆUKLƆU Ɔ

¹² Amanehlu nɛ o nyɛmimɛ Yuda bi ɔmɛ na a, e sɛ nɛ o bua jɔɔ he. E sɛ kaa o naa bua jɔmi ngɛ ligbi nɛ a kpata a hɛ mi ɔ nɔ. E sɛ nɛ o tuɔ he nɔ womi munyu ngɛ a haomi ligbi ɔ nɔ.

Obadia 1:12 ပူးပေါင်းရင်းမြစ်များ

Mika 4:11

Je mahi babauu ba bua ngɔ wo nyɛ he konɛ a tua nyɛ. A ke, “Ja wa kpata Yerusalem hɛ mi! Wa maa na kɛ wa hɛngmɛ kaa ma nɛ ɔ pee ma doku!”

Ezekiel 35:15

Benɛ ye ma Israel nɔ si nɛ e pee pasaa a, o nya. Jehanɛ lɛɛ Seir yo ɔmɛ, kɛ Edom zugba a tsuo maa pee pasaa kulaa. Kɛkɛ ɔ, nɔ tsuaa nɔ maa le kaa imi ji Yawɛ.”

Abɛ Womi 17:5

Nɔ nɛ yeɔ ohiatsɛ he fɛu ɔ, ohiatsɛ ɔ bɔlɔ e ngɛ jɛe ɔ nɛ. Nɔ nɛ bua jɔɔ nɔ ko amanehlu he ɔ, e be e he yee.

Samuel I, 2:3

Nyɛ kpa fiami munyu puu tumi; he nɔ womi munyu nɛ ko je nyɛ nya mi. Yawɛ ji Mawu nɛ le níhi tsuo, nɛ e kojoɔ nɔ́ tsuaa nɔ́ nɛ nimli peeɔ.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

La 37:13

Se Yawɛ lɛɛ e muɔɔ yayami peeli, ejakaa e le kaa e be kɛe nɛ a ma kpata a hɛ mi.

La 31:18

Lakpatsɛmɛ, kɛ he nɔ woli, kɛ nɔ he guɛ gbeli nɛ tuɔ munyu yaya kɛ siɔ dali ɔ, ha nɛ mɛ tsuo a ma a nya.

La 22:17

Ye wuhi tsuo pɛpɛɛpɛ je kpo. Nimli yayami ɔmɛ muɔ a hɛngmɛ ngɔ pue ye nɔ, nɛ a ngɛ ye he fɛu yee.

Hiob 31:29

Ke haomi ba ye he nyɛlɔ nɔ, aloo ye he nyɛlɔ hɛ mi kpata a, i nya we.

Kpojemi 13:5

A ngmɛ lohwe ɔ blɔ nɛ e tu munyu nguahi, kɛ musu bɔmi munyuhi putɛputɛɛ kɛ si Mawu, nɛ a ha lɛ blɔ hulɔ nɛ e kɛ je e he wami kpo nyɔhiɔ nyingmi eywiɛ kɛ enyɔ.

Yakobo 3:5

Ja nɔuu lilɛ ngɛ; lilɛ ngɛ nyafii lɛɛ, se e fĩaa ní nguahi. Hyɛ kaa la bɔbɔyoo pɛ maa sã hue tso!

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Kɔmɔ Yemi 4:21

Nyɛ Edom bi nɛ ngɛ Uz zugba a nɔ, nyɛ nya, nɛ nyɛ bua nɛ jɔ nyɛ he bɔ nɛ nyɛ ma nyɛ. Se mohu nyɛ na nɛ nyɛɛ le kaa nyɛ hu a maa gbla nyɛ tue. Nyɛ maa hɛɛ nyɛ he gu, nɛ nyɛ maa hi nyɛɛe kɛ zo kaa nihi nɛ tɔ dã.

Yesaya 37:24

O tsɔ o tsɔli kɛ ba ye imi Nyɔmtsɛ ɔ ye he fɛu, nɛ o de ke, ‘I ngɔ ye ta zugba lɛhi kɛ kuɔ yo ɔmɛ kɛ ya su Lebanon tɔɔ. I poo Lebanon seda tso gagaa amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.

La 92:11

Ye he nyɛli ɔmɛ a hɛ mi kpata, nɛ i na kɛ ye hɛngmɛ. I nu hulɔ kɛ ye tue kaa nihi nɛ te si wo mi ɔ nɔ si.

La 59:10

Ye Mawu nɛ e suɔmi be nyagbe ɔ ma ba kpee mi. Ye Mawu ɔ ma ha nɛ ma na ye he nyɛli ɔmɛ nɛ a gbe mɛ kɛ pueɔ si.

La 54:7

O je mi kɛ je ye haomi ɔ tsuo mi, nɛ i na bɔ nɛ o ye ye he nyɛli ɔmɛ a nɔ kunimi.

Hiob 18:20

Kɛ je beleku je kɛ yaa si bonyoku je ɔ; nihi nɛ maa nu e haomi ɔmɛ a he ɔ, mɛ tsuo pɛpɛɛpɛ a he mi maa po.

La 35:15

Se benɛ haomi ba ye nɔ ɔ, a nya nɛ a bua a he nya, konɛ a ye ye he fɛu. He guɛ gbeli ba bɔle mi nɛ i li; a gbe ye he guɛ nɛ he jɔɔmi be mi.

Kɔmɔ Yemi 2:16

O he nyɛli ɔmɛ tsuo ngɛ munyu tue kɛ ngɛ mo sie; a kɛ ninyɛ hyɛɛ mo gãã. A kpɔɔ nya kɛ woɔ mo. A deɔ ke, “E tsɔɔ mo! Mwɔnɛ ji mwɔnɛ! Wa nine su o nɔ jehanɛ!”

Ezekiel 35:12

O ma na maa le jehanɛ kaa imi Yawɛ, i nu o musu bɔmi munyu ɔmɛ nɛ o tu kɛ si Israel yo ɔmɛ ke, ‘Yo ɔmɛ a nɔ pee pasaa; a ngɔ kɛ ha wɔ nɛ waa pee mɛ bɔ nɛ wa suɔ’ ɔ.

Ezekiel 36:5

“Imi Nyɔmtsɛ Yawɛ, i kɛ hɛdɔ, kɛ abofu tu munyu kɛ si je ma amɛ, kɛ Edom zugba a tsuo. Mɛɛ lɛɛ a nya, nɛ a gbe ye ma a he guɛ; ejakaa a ngɔ ye zugba a, kɛ lohwe lɛmi he ɔmɛ ngɔ pee a weto ní.