Obadia 1:11 - BAIBLO ALOO NGMAMI KLƆUKLƆU Ɔ

¹¹ “Benɛ he nyɛli ɔmɛ ba ywia agbo ɔmɛ ɔ, o daa si ngɛ se banee. Nihi nɛ ba muɔ Yerusalem june ɔmɛ kɛ ho nɛ a ya dla ngɔ ha a he ɔ, o ngɛ kaa mɛ pɛ.

Obadia 1:11 ပူးပေါင်းရင်းမြစ်များ

La 137:7

Yawɛ, mo kai nɔ́ nɛ Edom bi ɔmɛ pee Yerusalem ligbi ko ɔ. Edom bi ɔmɛ de ke, “Nyɛɛ ku ma a kɛ pue si; nyɛɛ ku lɛ pue si kɛ ya su e sisi tomi ɔmɛ tɔɔ!”

Nahum 3:10

Se kɛ̃ ɔ, a nuu Tebes bi ɔmɛ nyɔguɛ kɛ ho ma se ya. A fiaa jokuɛwi ɔmɛ ní nɛ a gbe ngɛ ma a mi blɔ ɔmɛ a kɔ nya amɛ tsuo. A nuu a ma nimeli ɔmɛ, nɛ a wo mɛ kɔsɔkɔsɔ kɛ ho. A dla mɛ ngɔ ha nihi nɛ ba nuu mɛ ɔ.

Yoel 3:3

A fɔ sɔ kɛ dla nyɔguɛhi nɛ a nuu ngɛ ta mi ɔ ngɔ ha a he. A kɛ nyumuwi ɔmɛ tsake yaholi, nɛ a jua yiwi ɔmɛ kɛ he wai nɛ a nu.

La 50:18

Ke o na julɔ ɔ, o kɛ lɛ tsɔɔ huɛ, nɛ gba puɛli o kɛ bɔɔ.

Matsɛmɛ II, 25:11

Ni nɛmɛ nɛ piɛ ngɛ ma a mi, kɛ ni nɛmɛ nɛ kú nigii kɛ ho Babilonia matsɛ ɔ ngɔ ya a, Nebuzaradan ngɔ mɛ tsuo kɛ ho Babilonia ya.

La 83:5

Ee, a pee kake kɛ wo o he; mɛ tsuo a so kɛ wo o he:

La 83:6

Edom bi, kɛ Ishmael bi; Moab bi, kɛ Hagrit bi;

Ezekiel 35:10

“O de ke e ngɛ mi kaa imi Nyɔmtsɛ Yawɛ, ye mahi ji Yuda, Israel, kɛ a he zugba amɛ lɛɛ, se o níhi ji mɛ tsuo, nɛ o maa ngɔ.

Amos 1:6

Yawɛ ke, “Gaza ma mi bi ɔmɛ pee yayamihi nɔtonɔto babauu; a nuu kɔpehi fuu a mi bi kɛ ho, nɛ a ya jua mɛ kaa nyɔguɛhi kɛ ha Edom bi. Enɛ ɔ he je ɔ, ja i gbla a tue kokooko.

Amos 1:9

Yawɛ ke, “Tiro ma mi bi ɔmɛ pee yayamihi nɔtonɔto babauu. A jua kɔpehi babauu a mi bi kaa nyɔguɛhi kɛ ha Edom bi, nɛ kake peemi somi nɛ ngɛ nyɛmi kɛ nyɛmi a kpɛti ɔ, a yi nɔ. Enɛ ɔ he je ɔ, ja i gbla a tue kokooko.

Zefania 2:10

Tue gblami nɛ Moab bi ɔmɛ kɛ Amon bi ɔmɛ ma na ji nɛ ɔ nɛ; ejakaa a wo a he nɔ, nɛ a bɔ Yawɛ Tabohiatsɛ ɔ ma a ahlua.