Obadia 1:1 - BAIBLO ALOO NGMAMI KLƆUKLƆU Ɔ

¹ Obadia gbami ɔ ji nɛ ɔ nɛ. Nɔ́ nɛ Nyɔmtsɛ Yawɛ de ngɛ Edom ma a he ji nɛ ɔ nɛ. Wa nu sɛ gbi ko kɛ je Yawɛ ngɔ; e tsɔ bɔfo ko ke e ya de je ma amɛ tsuo ke, “Nyɛɛ te si! Nyɛ ha waa kɛ Edom ya hwu ta!” Mal 1.2-5

Obadia 1:1 ပူးပေါင်းရင်းမြစ်များ

Mose I, 25:30

E de Yakob ke, “Hwɔ ngɛ mi yee! Ha mi kikɛmɛ a nɔ́ tsutsu nɛ ɔ eko ma ye.” Enɛ ɔ he je nɛ a wo lɛ biɛ ke Edom ɔ nɛ.

Mose I, 36:8

Enɛ ɔ he je ɔ, Esau hia kɛ ya hi Edom yo ɔ nɔ.

Mose I, 36:9

Esau, Edom bi ɔmɛ a tsɛ ɔ nina ji nɛ ɔ nɛ.

La 137:7

Yawɛ, mo kai nɔ́ nɛ Edom bi ɔmɛ pee Yerusalem ligbi ko ɔ. Edom bi ɔmɛ de ke, “Nyɛɛ ku ma a kɛ pue si; nyɛɛ ku lɛ pue si kɛ ya su e sisi tomi ɔmɛ tɔɔ!”

Yesaya 21:11

Sɛ gbi nɛ kɔɔ Edom he ji nɛ ɔ nɛ. Nɔ ko ngɛ ngmlaa kpae kɛ je Edom kɛ ngɛ bie ke, “Bulɔ, nyɔ mi mɛni be ji nɛ ɔ? Bulɔ, ngmlɛ nyɛmɛ a fia?”

Yesaya 21:12

I he nɔ ke, “Je na ta, se nyɔ maa kpale ba ekohu. Ke o suɔ kaa o ma ba bi si ekohu ɔ, kpale kɛ ba nɛ o ba bi.”

Yesaya 30:4

E ngɛ mi kaa nyɛ tsɔli ɔmɛ ya su Egipt mahi nɛ a tsɛɛ Zoan kɛ Hanes momo mohu, se

Yeremia 25:17

Kɛkɛ nɛ i he kplu ɔ ngɛ Yawɛ dɛ, nɛ i ngɔ kɛ ya ha je ma amɛ tsuo nɛ Yawɛ tsɔ mi a ngɔ ɔ, nɛ a nu.

Yeremia 51:46

Nyɛ nine mi nɛ ko je wu; sanehi nɛ nyɛ nu ɔ hu a ko po nyɛ tsui. Daa jeha a, a ke sane he ko kɛ̃ maa ba. Ke sane ɔ kɔ we yi wu tso níhi nɛ a ngɛ pee ngɛ zugba a nɔ a he ɔ, lɛɛ matsɛ kɛ matsɛ lɛ na.

Ezekiel 35:1

Yawɛ kɛ mi tu munyu ekohu.

Yoel 3:19

“Egipt ma plɛ pee nga kplanaa, nɛ Edom hu maa pee ma doku. Ejakaa a ya tua Yuda zugba a, nɛ a gbe ma a mi bi ɔmɛ yaka be mi nɛ a pee we yayami ko.

Mika 2:13

Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Mateo 24:6

Nyɛ maa nu tahi a he, kɛ akeake hu nɛ ngɛ pɛe ngɛ tahi a he. Se nyɛ tsui ko po. Ja ní nɛ ɔmɛ tsuo ba mi; se kɛ̃, lɔ ɔ tsɔɔ we kaa nyagbe ɔ su ta.

Marko 13:7

Ke nyɛ nu tahi, kɛ ta sanehi a he ɔ, nyɛ ko hao. Ja ní nɛ ɔmɛ ba mi, se kɛ̃ ɔ, nyagbe be ɔ sui lolo.