Nehemia 9:7 - BAIBLO ALOO NGMAMI KLƆUKLƆU Ɔ

⁷ Yawɛ Mawu, mo nɛ o hla Abram, nɛ o kpaka lɛ kɛ je Ur ngɛ Babilonia; o tsake e biɛ ngɔ pee Abraham.

Nehemia 9:7 ပူးပေါင်းရင်းမြစ်များ

Mose I, 11:31

Tera ngɔ e binyumu Abram, kɛ e bibi Lot, Haran binyumu ɔ, kɛ e nganyɛ Sarai, Abram yo ɔ, nɛ e kɛ mɛ je Ur ngɛ Babilonia kɛ yaa Kanaan. Se benɛ a su ma a nɛ a tsɛɛ Haran ɔ, a ya to lejɛ ɔ.

Mose I, 15:7

Jehanɛ Yawɛ de Abram ke, “Imi ji Yawɛ nɛ e kɛ mo je Ur ngɛ Babilonia kɛ ba hiɛ ɔ, konɛ ma ngɔ zugba nɛ ɔ ngɔ ha mo ɔ nɛ.”

Mose I, 17:5

A be mo tsɛe ke Abram hu; jehanɛ lɛɛ a ma tsɛ mo Abraham, ejakaa i pee mo je mahi babauu a tsɛ.

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Kronika I, 1:27

Abram nɛ a tsɛɛ lɛ Abraham hulɔ ɔ.

Yesaya 51:2

Nyɛ susu nyɛ nɛ̃, Abraham, kɛ Sara hu nɛ fɔ nyɛ ɔ a he. Benɛ i tsɛ Abraham ɔ, e be bi ko kulaa, se i gbaa lɛ, nɛ i ha lɛ bimɛ; nɛ i ha e nina hiɛ babauu.

Mose V, 10:15

Se akɛnɛ suɔmi nɛ Yawɛ ngɛ kɛ ha nyɛ nɛmɛ ɔmɛ nya wa wawɛɛ he je ɔ, e hla nyɛ nɛ ji a nina a mohu ngɛ je ma kpa amɛ a mi; nɛ kɛ ba si mwɔnɛ ɔ hu, nyɛ ji e ma nɛ e hla.