Nehemia 9:5 - BAIBLO ALOO NGMAMI KLƆUKLƆU Ɔ

⁵ Levi bi nɛ ɔmɛ ji ni nɛmɛ nɛ nyɛɛ ma a hɛ mi kɛ sɔle ha Mawu: Yeshua, Kadmiel, Bani, Hashabneya, Sherebia, Hodia, Shebania, kɛ Petahia. Bɔ nɛ a de ji nɛ ɔ nɛ, “Nyɛɛ te si nɛ nyɛ je Yawɛ, nyɛ Mawu ɔ yi. Nyɛ je e yi daa kɛ daa. Mawu lee, ha nɛ nɔ tsuaa nɔ nɛ je o biɛ ɔ yi. Nɔmlɔ adesa yi jemi pi ha mo lɛɛ, se ha nɛ wa je o yi kɛ̃.”

Nehemia 9:5 ပူးပေါင်းရင်းမြစ်များ

Matsɛmɛ I, 8:14

Israel ma kpekpemi ɔ tsuo daa si ngɛ lejɛ ɔ kɛ mwɔɔ. Kɛkɛ nɛ Matsɛ Salomo plɛ e hɛ mi ngɔ kpee mɛ nɛ e gbaa mɛ.

Matsɛmɛ I, 8:15

E de ke, “A je Yawɛ, Israel Mawu ɔ yi; ejakaa si ko nɛ e wo tsaatsɛ David ɔ, e ye nɔ. Yawɛ de David ke,

Matsɛmɛ I, 8:22

Jehanɛ Salomo ya da bɔ sami la tɛ ɔ hɛ mi ngɛ Israel ma kpekpemi ɔ tsuo hɛ mi; nɛ e wo e nine nɔ kɛ ya hiɔwe,

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kronika I, 16:36

Nyɛ je Yawɛ yi; nyɛ je Israel Mawu ɔ yi! Nyɛ je e yi mwɔnɛ ɔ, kɛ daa! Kɛkɛ nɛ ma a tsuo he nɔ ke, “Amen”, nɛ a je Yawɛ yi.

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Kronika I, 29:13

Lɔ ɔ he ɔ, wa Mawu, wa ngɛ mo si nae, nɛ wa ngɛ o biɛ nɛ hɛ mi ngɛ nyami ɔ yi jee.

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Kronika II, 20:13

Yuda nyumu ɔmɛ tsuo daa si ngɛ lejɛ ɔ ngɛ Yawɛ we ɔ, kɛ a yi ɔmɛ, kɛ a bimɛ ɔmɛ.

Kronika II, 20:19

Levi bi nɛ je Kohat, kɛ Kora we puɔ nya amɛ ɔ te da si, nɛ a he ose kɛ je Yawɛ, Israel Mawu ɔ yi.

Ezra 3:11

Ma kpekpemi ɔ la yi jemi la, kɛ sina la kɛ ha Yawɛ; nɛ munyu nɛ a kɛ heɔ la a nɔ ɔ, a ti mi si abɔ ke, “Yawɛ hi, nɛ e suɔmi nɛ e kɛ suɔ Israel ɔ ngɛ kɛ yaa neneene.” Jehanɛ benɛ a fia Yawɛ we ɔ sisi tomi ɔ ta a, ma kpekpemi ɔ tsuo hwɔ lele nɛ a je Mawu yi.

Nehemia 9:4

A pee kpoku ko ha Levi bi ɔmɛ, nɛ lɔ ɔ nɔ nɛ Yeshua, Bani, Kadmiel, Shebania, Buni, Sherebia, Bani, kɛ Kenani da si ngɛ. A sɔle boboobo kɛ ha Yawɛ, a Mawu ɔ.

Nehemia 9:6

Nɛ a sɔle ke, “Yawɛ, mo nɔ kake pɛ ji Yawɛ, mo nɛ o pee hiɔwe ɔ, kɛ dodoe ɔmɛ ngɛ kɔɔhiɔ mi. Mo nɛ o pee zugba kɛ wo, kɛ nɔ́ tsuaa nɔ́ nɛ ngɛ a mi, nɛ o ha mɛ tsuo wami. Hiɔwe ta a kplaa si haa mo, nɛ a jaa mo.

Hiob 1:21

Hiob de ke, “Maa fɔ mi kɛ ba he gu, nɛ ma kpale kɛ ya he gu. Yawɛ lɛ ha, nɛ Yawɛ lɛ ba ngɔ kɛ ho. A je Yawɛ biɛ ɔ yi!”

La 106:2

Ní nguanguahi tsuo nɛ Yawɛ pee ɔ, mɛnɔ ma nyɛ ma de? Mɛnɔ ma nyɛ ma je e yi bɔ nɛ sa?

La 134:1

Nyɛ Yawɛ tsɔli tsuo, nyɛɛ ba; nyɛ je Yawɛ yi! Nyɛ nɛ nyɛ sɔmɔɔ Yawɛ ngɛ e we ɔ nyɔnyɔɔnyɔ, nyɛ je e yi

La 145:2

Ma na mo si daa ligbi, nɛ ma je o yi kɛ maa ya neneene.

La 145:5

O hɛ mi nyami, o we agboje, kɛ nyakpɛ níhi nɛ o tsu ɔ, ma susu a he saminya.

La 146:2

Be abɔ nɛ ye hɛ ngɛ nɛ ɔ, ma je Yawɛ yi! Ligbi abɔ nɛ i ngɛ wami mi nɛ ɔ, ma la kɛ je ye Mawu ɔ yi!

La 16:2

I de Yawɛ ke, “Yawɛ, ye Nyɔmtsɛ ji mo; o se ɔ, i pa be nɔ́ kpakpa ko hu.”

La 66:2

Nyɛ la kɛ je e yi. Nyɛɛ wo e hɛ mi nyami saminya!

La 99:3

Nihi tsuo ma je e biɛ kpetekpleenyɛ ɔ yi; a ma je e biɛ nɛ he ngɛ gbeye ɔ yi. E ngɛ klɔuklɔu!

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Daniel 2:20

Daniel de ke, “A je Mawu yi kɛ ya neneene, ejakaa ní lelɔ ji lɛ, nɛ e ngɛ he wami hulɔ.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Mose V, 28:58

“Ke nyɛ bui Mawu tsɔɔmi ɔmɛ tsuo, nɛ́ nyɛ pee bɔ nɛ a ngma ngɛ womi nɛ ɔ mi, nɛ nyɛ wui Yawɛ, nyɛ Mawu ɔ biɛ nɛ ngɛ nyakpɛ kɛ gbeye ɔ hɛ mi nyami ɔ,

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Manyadali 13:18

Se Yawɛ bɔfo ɔ bi lɛ ke, “Mɛni he je o ngɛ hlae nɛ o le ye biɛ? Ye biɛ ɔ, e ji nyakpɛ biɛ.”