Nehemia 9:37 - BAIBLO ALOO NGMAMI KLƆUKLƆU Ɔ

³⁷ Zugba a baa ní babauu ha matsɛmɛ ɔmɛ nɛ a ngɔ to wa nya a mohu, se akɛnɛ wa pee yayami kɛ si mo ɔ, a pee wɔ nimli ɔmɛ, kɛ wa lohwe ɔmɛ yayami bɔ nɛ a suɔ, nɛ wa yi fi wawɛɛ nitsɛ!”

Nehemia 9:37 ပူးပေါင်းရင်းမြစ်များ

Ezra 4:13

Nɛnɛ, ná nɛ o le kaa ke a po ma a gbe nya a, a be tó, loo sika ko woe hu, nɛ sika be matsɛ nito he ɔ bae bɔ nɛ sa.

Ezra 6:8

Jehanɛ, nɔ́ nɛ i ngɛ fae nɛ nyɛɛ pee ha Yuda ma nimeli ɔmɛ ngɛ ní tsumi ɔ he ji nɛ ɔ nɛ. Tó nɛ a ma na kɛ je Yufrate pa a se kɛ wo matsɛ nito he ɔ, hiɔ nɛ a maa bɔ ngɛ ní tsumi ɔ he ɔ, a jé tó ɔ mi eko kɛ ha Yuda ma nimeli ɔmɛ nɛ a kɛ wo hiɔ ɔ tsuo ngɛ be nɛ sa mi.

Ezra 7:24

I ngɛ hae nɛ nyɛɛ le hu kaa mlaa ngmɛ́ blɔ kaa nyɛ heɔ tó ko kulaa ngɛ nimli nɛ ɔmɛ a dɛ: osɔfohi, Levi bi, Mawu we ɔ lali, agbo nya buli, sɔmɔli ngɛ Mawu we ɔ, loo tsɔli kpahi ngɛ Mawu we ɔ.

Nehemia 5:8

I de ke, “Wɔɔ lɛɛ wa ngɛ mɔde bɔe kaa wa ma kpɔ wa nyɛmimɛ Yuda bi ɔmɛ nɛ hiami nya a, a jua a he ngɔ ha nibwɔhi ɔ. Se nyɛɛ lɛɛ nyɛ ngɛ nyɛ nitsɛmɛ nyɛ nyɛmimɛ ɔmɛ a nɔ nyɛe kaa a jua a he ngɔ ha nyɛ a nyɛmimɛ Yuda bi!” Ma nimeli ɔmɛ pee kɔ̃; ejakaa a be nya jemi ko.

Kɔmɔ Yemi 5:5

A woɔ wɔ kuɛ pã tso, nɛ a haa wa tsuɔ ní kpakpataa; nɛ ke pɔ tɔ wɔ ɔ, a ha we nɛ wa jɔɔ wa he.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Yohane 8:33

A he nɔ ke, “Abraham nina ji wɔ, nɛ wɔɔ lɛɛ wa yi nyɔguɛ ha nɔ ko hyɛ. Ke o de ke, ‘Nyɛ maa ye nyɛ he’ ɔ, kɛ o ngɛ tsɔɔe kɛɛ?”

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

Mose V, 28:39

Nyɛ maa pee wai ngmɔ, nɛ nyɛ ma gbo dengme kɛ hyɛ nɔ saminya, se nyɛ be wai yiblii ɔ kpae, nɛ nyɛ be wai ɔ hu eko nae maa nu; ejakaa gɔgɔ maa ye wai tso ɔmɛ.

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

Mose V, 28:51

A maa ye nyɛ we mi lohwe ɔmɛ, kɛ nyɛ ngmɔ niba ní ɔmɛ tsuo; se nyɛɛ lɛɛ nyɛ ma gbo kɛ hwɔ. He nyɛli ɔmɛ be ngma, loo wai, loo nu, loo na, loo to piɛe ha nyɛ; nɛ nyɛ ma gbo.