Nehemia 9:28 - BAIBLO ALOO NGMAMI KLƆUKLƆU Ɔ

²⁸ Benɛ a na tue mi jɔmi ɔ, a pee yayami ekohu; kɛkɛ nɛ o je a se, nɛ a he nyɛli ɔmɛ ba ye a nɔ ekohu. Se benɛ a tsake a tsui, nɛ a fa kue kɛ tsɛ mo ekohu ɔ, o bu mɛ tue kɛ je hiɔwe; nɛ o na mɛ mɔbɔ, nɛ o kpɔ mɛ si abɔ.

Nehemia 9:28 ပူးပေါင်းရင်းမြစ်များ

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.

Matsɛmɛ I, 8:39

moo nu a pɛɛ kpami ɔ. Moo bu mɛ tue ngɛ o hi he ɔ ngɛ hiɔwe; ngɔɔ a he yayami ɔmɛ ngɔ pa mɛ, nɛ o ye kɛ bua mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,

Manyadali 4:1

Ehud gbenɔ se ɔ, Israel bi ɔmɛ pee yayami kɛ si Yawɛ ekohu.

Manyadali 3:30

Israel ye Moab nɔ kunimi jamɛ a ligbi ɔ. Nɛ zugba a nɔ jɔ jeha nyingmi kpaanyɔ.

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

La 136:24

Lɛ nɛ e je wɔ kɛ je wa he nyɛli a dɛ mi; ejakaa e suɔmi ɔ ngɛ kɛ yaa neneene!

Manyadali 2:19

Se ke manyadalɔ ɔ gbo pɛ, ma a kpaleɔ a se kɛ ya nyɛɛɔ a blɔ momo ɔmɛ a nɔ ekohu; nɛ a peeɔ yayami nɛ nya wa pe a nɛmɛ ɔmɛ po. A ya nyɛɛɔ mawu kpahi a se; a sɔmɔɔ mɛ, nɛ a jaa mɛ. Nɛ a ngmɛɛ we a yayami ɔmɛ, kɛ a kuɛ mi timi ɔ he.

La 106:42

A he nyɛli ɔmɛ ye a nɔ kɛ kɔni si wami; a wa mɛ yi mi, nɛ a ha nɛ a sɔmɔ mɛ.