Nehemia 9:25 - BAIBLO ALOO NGMAMI KLƆUKLƆU Ɔ

²⁵ A ngɔ ma nguahi nɛ a fia gbogbo ngɔ wo a he ɔ zugba nɛ baa ní, kɛ wehi nɛ hyi tɔ kɛ ní kpakpahi tsuo; a ngɔ nyu vuhi nɛ a tsua momo, oliv tsohi, tsohi nɛ woɔ yiblii, kɛ wai ngmɔhi. A ye ní ɔmɛ nyamanyama; a tɔ nɛ a plɔke. Ní kpakpa amɛ nɛ o ha mɛ ɔ, a nya he.

Nehemia 9:25 ပူးပေါင်းရင်းမြစ်များ

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Nehemia 9:35

O gbaa matsɛmɛ ɔmɛ nɛ ye o ma a nɔ ɔ, kɛ zugba kpakpa nɛ baa ní saminya a. Se kɛ̃ ɔ, a kpa we yayami peemi ɔ, konɛ a ba sɔmɔ mo.

Mose V, 3:5

Ma nɛ ɔmɛ tsuo ji mahi nɛ a fia gbogbo gojogojoo ngɔ wo a he, kɛ a nya agbohi kɛ a se lami dade níhi. E slo kɔpehi babauu nɛ a fiɛ gbogbo ngɔ wui a he.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Ezekiel 20:6

Jamɛ a ligbi ɔ, i ka mɛ kita ke ma je mɛ kɛ je Egipt zugba a nɔ, nɛ ma kpaka mɛ kɛ ya zugba ko nɛ i hla ha mɛ, zugba kpakpa nɛ baa ní saminya, nɛ e ngɛ fɛu pe kulaa nɔ.

Matsɛmɛ I, 8:66

Ligbi nɛ ji kpaanyɔ ɔ, Salomo ha ma a nane. Mɛ tsuo a je e yi saminya, nɛ a ho a wehi a mi ya kɛ bua jɔmi ngɛ ní kpakpahi tsuo nɛ Yawɛ pee ha e tsɔlɔ, David, kɛ e ma, Israel ɔ he.

Mose V, 32:13

“E ha e ma a ye yo nɔ zugba amɛ a nɔ, nɛ a ye ngmɔ ɔmɛ a mi niba ní. E ma a ná hwo kɛ je tɛ sa mi; nɛ oliv tso ɔmɛ hu plɔke ngɛ zugba nɛ tɛ ngɛ mi ɔ nɔ.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Hosea 13:6

Se benɛ nyɛ ye ní nɛ nyɛ tɔ saminya a, nyɛ wo nyɛ he nɔ, nɛ nyɛ hɛ je ye nɔ.

Yeremia 31:14

Ma ha nɛ osɔfo ɔmɛ maa ye ní kpakpahi nɛ a maa tɔ; ye ma a hu maa ye nɛ a maa tɔ. Imi, Yawɛ lɛ i de.”

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

La 65:11

O ha ní kpakpahi babauu baa ngɛ jeha a mi. He tsuaa he nɛ o be ngɛ ɔ kɛkɛ ní ba babauu.

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

Daniel 11:24

E ma tua zugba ko nɛ ngɛ ní babauu be mi nɛ a hɛ be a he nɔ; nɛ nɔ́ nɛ e tsɛmɛ, kɛ e nɛmɛ po pee we hyɛ ɔ, lɛɛ e maa pee. Lɔ ɔ se ɔ, e maa dla ta yibu ní, kɛ weto ní nɛ e na ngɛ ta mi ɔ kɛ ha e we bi ɔmɛ. E maa to ga, nɛ e ma ya tua mɔhi, se nɔ́ nɛ ɔ se be kɛe.

Mose V, 32:14

Na amɛ, kɛ to ɔmɛ ha nyɔ nyu babauu; e ha ma a jijɔ, apletsi, kɛ na kpakpahi; a ye ní kpakpa, nɛ a nu dã kpakpa.

Matsɛmɛ I, 14:9

O pee yayami kulaa pe ni nɛmɛ nɛ ye tsɛ kɛ sɛ o hlami ɔ. O kua mi; O ya pee mawu kpa komɛ, nɛ o puɛ amagahi, nɛ o kɛ nɔ́ nɛ ɔ wo ye mi mi la.

La 105:44

Mawu ngɔ ma je li ɔmɛ a zugba a kɛ ha mɛ; nɛ nɔ́ nɛ ni kpahi gbo he dengme ɔ ba plɛ pee a nɔ́.

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.