Nehemia 9:22 - BAIBLO ALOO NGMAMI KLƆUKLƆU Ɔ

²² “O ha a ye je mahi, matsɛ yemihi, kɛ zugbahi nɛ bɔle mɛ ɔ a nɔ. A ye Heshbon zugba a, kɛ Bashan zugba a tsuo nɔ. Heshbon ji he nɛ Sihon ye matsɛ ngɛ, nɛ Bashan ji he nɛ Og ye matsɛ ngɛ.

Nehemia 9:22 ပူးပေါင်းရင်းမြစ်များ

La 105:44

Mawu ngɔ ma je li ɔmɛ a zugba a kɛ ha mɛ; nɛ nɔ́ nɛ ni kpahi gbo he dengme ɔ ba plɛ pee a nɔ́.

La 78:65

Kɛkɛ nɛ Nyɔmtsɛ ɔ te si pam kaa nɔ ko nɛ je mahe mi, aloo oblai nɛ nu dã, nɛ ngɛ huhui kpae.

Yoshua 11:23

Yoshua ngɔ zugba mluku ɔ tsuo, kaa bɔ nɛ Yawɛ de Mose ke a pee ɔ pɛpɛɛpɛ. Yoshua dla zugba a ngɔ ha Israel bi ɔmɛ wɛtso nya wɛtso nya kaa a weto ní. Kɛkɛ nɛ ta a se po, nɛ zugba a nɔ jɔ.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Mose V, 32:26

Jinɛ i ko kpata mɛ tsuo a hɛ mi pɛsɛpɛsɛ, nɛ nɔ ko nɔ ko be mɛ kaie hu.

Mose V, 1:4

Jamɛ a be ɔ mi ɔ, Yawɛ gbe Amor bi ɔmɛ a matsɛ, Sihon nɛ hi Heshbon ɔ, kɛ Bashan matsɛ, Og nɛ hi Ashtarot ngɛ Edrei ɔ momo.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Mose V, 4:47

A ngɔ e zugba a, kɛ Amor matsɛ kpa ko nɛ a tsɛɛ lɛ Og nɛ hi Bashan nɛ ngɛ Yordan pa a beleku je ɔ hu e zugba a.

Yeremia 27:5

“Imi lɛ i kɛ ye he wami kpetekpleenyɛ, kɛ kɔni si wami bɔ je ɔ, nimli adesahi, kɛ lohwehi tsuo nɛ ngɛ je ɔ mi; nɛ i kɛ ní nɛ ɔmɛ haa nɔ tsuaa nɔ nɛ i suɔ.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.