Nehemia 9:20 - BAIBLO ALOO NGMAMI KLƆUKLƆU Ɔ

²⁰ O ha nɛ o mumi kpakpa a tsɔɔ mɛ ní, nɛ o ha mɛ a nya mi ngma, kɛ nyu nɛ a nu.

Nehemia 9:20 ပူးပေါင်းရင်းမြစ်များ

Nehemia 9:30

O to o tsui si, nɛ o bɔ mɛ kɔkɔ jeha babauu. O ngɔ o mumi ɔ ngɔ wo o gbali ɔmɛ a mi, konɛ a tu munyu ngɔ tsɔɔ mɛ; se o ma a wa tue. Lɔ ɔ he ɔ, o ngmɛɛ a he ha ma kpahi nɛ a ye a nɔ.

La 105:41

E bli tɛ sa nya, nɛ nyu je mi pue si; nyu ɔ be lalaala ngɛ nga a nɔ kaa pa.

La 143:10

Moo tsɔɔ mi nɛ ma pee nɔ́ nɛ o suɔ; ejakaa mo ji ye Mawu. Ha nɛ o mumi kpakpa a nɛ tsɔɔ mi blɔ nɛ hi, nɛ e nɔ jɔ.

Mose II, 16:15

Benɛ Israel bi ɔmɛ na a, a li nɔ́ nɛ ji. Enɛ ɔ he je ɔ, a de ngɛ a je gbi mi ke, “Mana.” E sisi ji, “Mɛni ji nɛ ɔ?” Mose de mɛ ke, “Abolo nɛ Yawɛ ha nyɛ nɛ nyɛɛ ye ɔ ji nɛ ɔ nɛ.

Mose II, 16:35

Israel bi ɔmɛ ye mana a jeha nyingmi eywiɛ kɛ ya si a ya su zugba nɛ nihi ngɛ nɔ, nɛ ji Kanaan zugba a huzu nya.

Mose II, 16:4

Kɛkɛ nɛ Yawɛ de Mose ke, “Hyɛ, ma ha abolo maa nɛ kɛ je hiɔwe pue si ha nyɛ. Daa ligbi ɔ, ma a maa ya nɛ a ya bua nɔ́ nɛ maa su mɛ ligbi kake yemi nya, nɛ ma kɛ ka mɛ ma hyɛ kaa a maa ye ye mlaa amɛ a nɔ lo.

Mose II, 17:3

Se kuma ngɛ ma a yee, nɛ a tu munyu huitihuiti kɛ si Mose, nɛ a de ke, “Mɛni he je o je wɔ kɛ je Egipt nɛ o ma ha nɛ kuma ba gbe wɔ, wa bimɛ, kɛ wa lohwehi tsuo nɛ ɔ?”

Mose II, 17:6

O nɛ, ma da o hɛ mi ngɛ tɛ sa a nɔ ngɛ Sinai yo ɔ nɔ. Ngɔɔ tso ɔ kɛ fia tɛ sa a, nɛ nyu maa je mi kɛ ba ha ma a nɛ a nu.” Nɛ Mose pee ja ngɛ Israel ma nimeli ɔmɛ a hɛ mi.

Yesaya 48:21

Benɛ Yawɛ kɛ e ma a nyɛɛ nga kplanaa a nɔ ɔ, kuma yi mɛ; ejakaa e ha nyu je tɛ sa mi ha mɛ; tɛ sa a mi gba, kɛkɛ nɛ nyu je mi kaa pa.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

Hagai 2:5

Benɛ nyɛ maa je Egipt ɔ, i wo nyɛ si nɛ ɔ ke ye mumi ɔ kɛ nyɛ maa hi si daa. I kɛ nyɛ ngɛ kɛ mwɔɔ, lɔ ɔ he ɔ, nyɛ ko ye gbeye.

Mose IV, 11:17

Ma kple si, nɛ i kɛ mo ma ba tu munyu ngɛ lejɛ ɔ. Ma je mumi nɛ ngɛ o mi ɔ eko kɛ ha mɛ. A maa kpee mo kɛ tloo ma a tlomi ɔ, nɛ mo nɔ kake too pɛ o be tlooe hu.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Romabi 15:30

Ye nyɛmimɛ, i ngɔ Nyɔmtsɛ Yesu Kristo, kɛ suɔmi nɛ Mumi Klɔuklɔu ɔ haa nɔ ɔ kɛ ngɛ nyɛ pɛɛ kpae nɛ nyɛɛ piɛ ye he kɛ sɔle wawɛɛ nɛ Mawu nɛ ye bua mi.

1 Korintobi 10:3

Mɛ tsuo a ye mumi mi ní kake,

Efesobi 5:9

Ejakaa la kaa kikɛ nɛ ɔ he okadihi nɛ a naa ji kpakpa peemi, dami sane yemi, kɛ anɔkuale tumi.

Yoshua 5:12

Jamɛ a ligbi ɔ nɔuu ɔ, niye ní nɛ nɛɛ kɛ jee hiɔwe ɔ se po, nɛ Israel bi ɔmɛ nɛ́ eko hu. Kɛ je jamɛ a be ɔ kɛ yaa a, zugba a nɔ niba ní ji nɔ́ nɛ a yeɔ.

2 Petro 1:21

Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.